Lukas 19:38 - Kaa n Kəzə̀ n fəghə mə

³⁸ “Zə̀ kə buulə də̀ŋ key kə bənə n zəd i Mûkəbii! Ibuulə nsə kɔʼlə mə i loʼ tə Zə̀ kə idəŋ!”

Lukas 19:38 ပူးပေါင်းရင်းမြစ်များ

Matyo 2:2

“Ghə ji ghee waa wən tə i bə doʼlənə də̀ŋ kə ghə̂ a Təjuu ghə fa? Ghey ma kòʼ səghəbələ fə wi fə n bad key nyi i shiə kɔʼɔ bənə tii, ghey u bənə ni bə ngɔɔmə wi.”

Matyo 21:9

Nɔɔ kə aghə̂ key kə â ndòwnə isə nsə a ghey ghə â bəghənə ibam n buʼu shiə kɔʼɔ nbɔŋ dza nə̀, “Kali u loʼ tə̀ Waa Devid! Zə̀ kə buulə wù wey tə bəghənə n zəd i Mûkəbii! Kali u loʼ tə Zə̀ kə idəŋ kə!”

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Lukas 13:35

Koʼo na, ndaw ghaa nya loʼ i zûm zə. N dza bə tə ghaa nə̀, ghaa i kəm koʼ way mə ni ndow kuum tsuʼ fey ghaa i dza nə̀, “Buulə i loʼ tə wù wey tə bəghənə n zəd i Mûkəbii.”

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Efesus 1:12

Tə ghəə ghən ghəŋə sey nə̀, saa ghən saa loʼnə ghə̂ a sə̂ isə ghə ni gaʼ fə̀ŋ n kow Klisto, saa i muu ni fuu nkɔʼlə tə wi kuum ghaʼ i wi.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Efesus 3:21

Kɔʼləmə i loʼ tə̀ wi n dzəŋi kə dzûmə tə Klisto, kɔʼlə mə i loʼ tə̀ wi n doʼo i saa ghi Yeso Klisto num tə num, tə̀ mbi nə bə may! Zə i loʼ sey.

Kolose 1:20

Zə̀ kə â neynə waa wi ni ghəŋə nə̀ fə wən udzəm u loʼ nə fa n mbi, u doʼo dzəŋŋə bə n tənə wi. Â loʼ n bam i kàŋ tə waa wi wən ghə â baanə n zat kə fəkaʼ, Zə̀ kə â ghəŋənə nə buulə zə i loʼ fa n mbi, idəŋ nsə a ghəlitsə.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.