Kolose 2:13 - Kaa n Kəzə̀ n fəghə mə

¹³ Ghaa â loʼ tsə tə a loʼ ghə̂ a kpuu ghə n sə K-a-zə̀ bòʼ ghəə a ghaa a bəbə ghə nsə nə ghaa a loʼ nə ghə ka kam səghə tyi u ghaa wə. Abə nya, Zə̀ kə n ghəŋə nə̀ ghaa doʼo bə utaw ghi Klisto, n təŋkey, tə n neyzəə ghəə a ghaa a bəbə ghə n ndzuŋə wi.

Kolose 2:13 ပူးပေါင်းရင်းမြစ်များ

Lukas 15:24

təŋkey, waa wùŋ wən mâ kpu, nya tə n zhəm dzəŋŋə bə. Tə mâ nay, a n kəm koʼ wi.” Sey ghə n kaʼ ni saŋŋə

Lukas 15:32

I kpiinu tə̀ saa ni saŋŋə, a duʼlə, n təŋkey, waazə wə wən tə â kpuunu, tə n bə dzəŋŋə utaw, tə â naynu, a n kəm koʼ wi.’”

Lukas 9:60

Yeso n dza ndòw tə̀ wi nə̀, “naŋa tsu tə̀ ghə̂ a kpuu a tsəllə ndòw ghə̂ a kpuu ghə, abə wɔ, ndòw naʼa ndòw ghəə a fɔɔ u Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 5:21

Bày zhəm dzəŋŋə bə aghə̂ nə̀ ivə, fuu ghə n muu zə, a loʼ ighələ, Waa fuu soʼonə muu zə tə̀ wù wey tə ləghənə ni fu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Roma 4:17

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

1 Kɔrint 15:36

À wən loʼ ghə i laʼlə zə ni bəb! Saa mgbaŋ khənu nə̀ abə wə zəghə tsunə ndzoʼ, i kpu tsuu dzənu tə̀ ghii zə ni fòw.

1 Kɔrint 15:45

À wən loʼ i ghii i tɔ̀ɔ doʼonə n màʼlə K-a-zə̀ nə̀, “Wù sə̂ isə wən Zə̀ kə â bɔmnə â loʼ Adam.” Adam wə ibam wən tɔŋŋə Klisto kee loʼ zày kən kə fuunə muu zə.

2 Kɔrint 3:6

À loʼ wi tə ghəŋənə nə̀ ghey kɔʼ kpii tə̀ a loʼ ghə̂ a kəfwaʼ n kâa n fəghə mən. Kaa n fəghə mən ka tɔ̀ɔ doʼo dzə n màʼlə K-a-zə̀, à loʼ n Zay kə Zow kə, kuum nə̀ ghəə ghey a tɔ̀ɔ doʼonə nə kəmaʼlə fədlə wey wù, Zay kə Zow kə u kee fuunə muu zə.

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

Efesus 2:1

Sə̂ i sə, ghaa â loʼ tsə tə̀ a loʼ ghə̂ ghey ghə kpu doʼonə boʼnə ghaa â naŋŋə way laŋ u Kəzə̀ wə, ghəŋŋə soʼo ghəə a bəbə ghə.

Efesus 2:11

Kə ghaa nə neyzəənə nə̀ ghaa ghən ghaa way ghə̂ a Təjuu, ghaa â loʼ tsə ghə̂ a tətùm. Ghə̂ a Təjuu ghə â tɔŋŋə tsə ghaa nə̀ ghaa loʼ ghə̂ ghən ghə ka səghə tyi u ghə. Ghə̂ ghən ghə ghaŋŋənə wû zə nə̀ ghə loʼ ghə̂ a Kəzə̀ boʼnə ghə n səghə tyi u ghə wə, loʼ sey nə̀ à maŋ loʼ kə n gow uwû, a way n fə̀ŋ.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

1 Timoti 5:6

A kee bə wey kpusə wən tə ləghə ni zəələ wû u wi wə, tə loʼ tə a loʼ wù kpuu, abə tə nam buʼ loʼ kə utaw.

1 Timoti 6:13

N dza bə tə wɔ n sə kə Zə̀ kən kə fuunə muu zə tə fə wə udzəm, nsə n sə kə Yeso Klisto wən tə â tɔʼ dzanə isəŋə n nəŋə zey Pontus Pilato â saʼanə wi,

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Jems 2:17

A wey bɔɔmə loʼ nghee i loʼnə abə wù dzanə nə̀ tə khə bəghəm i fə̀ŋ nə̀ tə maŋa dza kə nə idzuu. Abə tə ghəŋŋə ndow way ghəə a dzuŋu ghə tə a loʼ wù wey tə khənə bəghəm i fə̀ŋ zə, bəghəm i fə̀ŋ i wi tii i maŋ loʼ kənunu.

Jems 2:20

Laʼlə k-a-fə kən! Wə ləghə nə̀ n dii bə tə wɔ nə̀ abə wə khənə bəghəm i fə̀ŋ zə nə̀ wə ghəŋŋə ndow way ghə̂ a dzuŋu, bəghəm i fə̀ŋ i tii i maŋ loʼ kənunu ə?

Jems 2:26

Nghee tə i loʼ nə̀ wù wey tə loʼ nə̀ zay kə wi kə nuu n shi, loʼ wù kpuu, a loʼ soʼo ighələ ghi wù wey tə dza nə̀ i khə bəghəm i fə̀ŋ nə̀ tə ghəŋŋə way ghəə a dzuŋu ghə loʼ nə̀ bəghəm i fə̀ŋ i wi tii i maŋ loʼ kənunu.

1 Jɔn 2:12

N tɔ̀ɔ bə ghəə ghən tə ghaa ghən ghaa loʼnə waa ghuŋ ghə, n təŋkey, Zə̀ kə n ghəə a ghaa a bəbə a neyzəə bòʼ ghəə zey Klisto a ghəŋənə tə ghaa.