Kolose 1:13 - Kaa n Kəzə̀ n fəghə mə

¹³ Tə u bəghəshinə saa n daʼa k-a-ləm, ney nyi bə saa n fɔɔ u Waa wi wən tə ngii ləghənə.

Kolose 1:13 ပူးပေါင်းရင်းမြစ်များ

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Lukas 13:24

“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə.

Lukas 22:53

Mə̀ â mgbaŋ loʼ tsə ghi ghaa n Ndaw Kəzə̀ i nii zə n Yerosalem tsuʼu ndzəm ghaa n way ni kwu mə. À wən kee loʼ nəŋə i ghaa ni kwu mə, n təŋkey, a loʼ nəŋə zey daʼa kə avəətsəə kə fwaʼanə.”

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Tùm i dzuŋu zə kuum Yeso Klisto tə Jɔn â tɔɔnə 3:35

Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi.

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

2 Kɔrint 11:14

Dzuu i way dzə ni zum mə n təŋkey Satan nəbə soʼonu sə̂ a ghə̂ ghə nə̀ tə loʼ tsəndəghə ə Kəzə̀ wən tə fuunə daa kə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 4:18

Fə̀ŋ tə ghə tə zowkeeli way ghə i loʼ zə n ghəə a Kəzə̀, ghə khə soʼo way wɔɔ kə n muu zən Zə̀ kə fuunə, n təŋkey, ghə khə way ghə i loʼ zə, taw soʼo n tow kə.

Efesus 5:5

Keeli tsu na nə̀ wù wey tə laŋŋənə nsə wù wey tə khənə mwam u dzəə wə, i zə̂ dzə way fɔɔ u Klisto wə nsə u Kəzə̀ wə, ghi wù wey tə shiənə n sə̂ zə n fə u ghə, n təŋkey, wù wey tə shiənə n sə̂ zə sey ney naŋa bə fə̂ u mbi tə̀ a loʼ Zə̀ kə wi.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

Efesus 6:12

N təŋkey, saa zùulə baalə dzə way ghi wù sɔŋtsuʼ. Saa zùulə baalə ghi zay u bəbə wən u loʼnə tə̀ a loʼ udə̀ŋ fa mbi, zay u bəbə wən u loʼnə tow kə n ghəə ghən a tsəghənə nə kələm, daʼa u bəbə wən u saʼanə ghəə a mbi ghə, nsə sə̀ghə̀ n bəbə mən n loʼnə idəŋ.

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

2 Pita 1:11

A loʼ n jii i zən Zə̀ kə i fuu ghaa n daʼa kə ni nyi n fɔ̀ɔ wey Mûkəbii saa tə loʼnə Bəghəshi ə saa tɔŋŋə Yeso Klisto saʼanə tii nəŋə tədzəm.

1 Jɔn 2:8

Jìi zən Klisto a muunə tii nsə jii zən ghaa muunə tii, i ndzəmə dii bə nə laŋ kən kuum loʼ kə fəghə kə, n təŋkey, ləm kə nya tsəghə daŋŋə ndownu, daa kən kə ndzəm loʼnə daa kə u bəghənə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.