Kəfwaʼ 9:31 - Kaa n Kəzə̀ n fəghə mə

³¹ À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Kəfwaʼ 9:31 ပူးပေါင်းရင်းမြစ်များ

Kəfwaʼ 12:24

Taŋ a ghə̂ ghey ghə â bəghəmnə ghɔɔmə i Kəzə̀ zə n kee nyîmmə kɔʼɔ ndow, ghɔɔmə i Kəzə̀ zə n zaamə ndow soʼo nghee tə ghə â naʼlə nduŋŋə ndownə.

Kəfwaʼ 16:5

Ghəə ghən n ghəŋə nə̀ dzəŋi u ghə̂ ghey ghə bəghəmnə tə Klisto, təmi taw n bəghəm i fə̀ŋ i ghə. Taŋa ghə n nyîmmə kɔʼɔ ndow soʼo tsuʼu n dzəm.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 5:11

Tsəŋ zə ngii kwu ghə̂ ghən adzəm ghə bəghəmnə tə Yeso nsə ghə̂ ghən adzəm ghə â zow ghəə a tii ghə.

Kəfwaʼ 6:7

Sey, ghɔɔmə i Kəzə̀ zə n ndow n sə̂ kə ni zaamə, taŋ ə dzûmə tə Klisto tə n nyîmmə kɔʼɔ ndow n Yerosalem, ndəmə ghə fɔɔngili a Təjuu ghə bəghəm soʼo tə Yeso.

Kəfwaʼ 8:1

Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 14:19

À wey loʼ ghə i tii zə saa khə ni ghəŋŋə ghəə ghey ghə i ghəŋŋənə nə̀ saa i muu nə ibuulə, ghəŋŋə soʼo nə̀ dzûmə tə Klisto tə loʼ tən tə taw may kɔʼ bə n bəghəm i fə̀ŋ i ghə.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

1 Kɔrint 14:12

Nghee ghaa ngii ləghənə ni keeli naamə wən Zay kə Zow kə fuunə, ngii kuu tsu na səŋ zə ni keeli naamə wən ubəghə kɔʼɔ bənə dzəŋi kə dzûmə tə Klisto tə.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

2 Kɔrint 10:8

N way dzə ni dəd n tow kə, abə i loʼ kənə nə̀ n ngii tsɔbə fə̀ŋ bòʼ daʼa kən Mûkəbii fuunə tə̀ ghey, tɔŋŋə daʼa kən tə̀ fuunə nə̀ ghey bəghə kɔʼ bə bəghəm i fə̀ŋ i ghaa, a way dzə ni wey maʼa bəghəm i fə̀ŋ i ghaa.

2 Kɔrint 12:19

Ghaa moʼlə nə̀ ghey ləghə ni bəghəshi wû i ghey n sə̂ kə ghaa n ghəə ghən adzəm ghey dzanə fa ə? À way dzə sey. Ghey dza isəŋə n sə K-a-zə̀ n jìi zey Klisto i ghəŋŋənə nə̀ ghey ghɔɔmə. Waazə ghuŋ a dzuŋu ghə, ghəə ghən adzəm ghey ghəŋŋənə loʼ ni bəghə kɔʼ bə bəghəm i fə̀ŋ i ghaa.

2 Kɔrint 13:10

À wən loʼ ghə i tii zə, n tɔ̀ɔ bənə ghəə ghən tə̀ ghaa nə̀ n way ghi ghaa, sey nə̀, abə n bənə, mə i ka tɔɔbə dzə ghi ghaa n daʼa kən Mûkəbii fuunə tə̀ mə. Mûkəbii fuu mə n daʼa kə tii kə ni bəghə bəghəm i fə̀ŋ i ghaa, à way dzə ni wey maʼa bəghəm i fə̀ŋ i ghaa.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Efesus 4:16

À loʼ Klisto tə təm naŋa dzəŋinə saa nə kəfə kəmɔʼ tə̀ a loʼ wû u wi, a loʼ wi tə zuŋŋə naŋa bənə saa. Sey, abə badla tə uwû tə saa tədzəm tə fwaʼa dzɔbənə n dəŋə kə ghə, gaamə tiilə iwû, wû udzəm wə n nyîmmə dzɔbə nə iləghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:21

Ghaa khə ni zow tə̀ waazə a ghaa ghə ni dii tsu nə̀ ghaa ndzəmə ngɔɔmənu Klisto.

Filipi 2:1

Nghee ghaa loʼnə nə kəfə kəmɔʼ ghi Klisto, i kuunu fə̀ŋ tə̀ ghaa tə ə? Ləghə zən tə khənə n kow ghaa tsəmmənu ghaa a? Zay kə Zow kə naŋŋənu ghaa nə kəfə kəmɔʼ ə? Ləghə zən Klisto khənə n kow ghaa ghəŋŋənu nə ghaa i khə ləghə zə n wû i ghaa, khə soʼo sî i kwɔɔlə zə ə?

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

1 Tesalonika 5:11

Sey, ghaa khə ni kuu tiilə fəŋ tə̀ ghaa tə, gaamə tiillə soʼo i wû i ghaa zə ni ghəŋə nə̀ ghaa nyim n bəghəm i ghaa, ighələ tə̀ ghaa ghəŋənə.

1 Timoti 1:4

Dza ndow tə ghə nə̀ ghə buu naŋa ni taŋŋə kaabə zəzəə n wey mey tɔb u loʼ u way tii nsə ni taŋŋə zəd a ghə bày bày a ghə ghə. Ghəə a tii a ghəŋŋənu ghə n maŋa fəə adzuu nə kənunu. Ghəə a tii a gaamə way wù nə̀ tə fwaʼ fwaʼ K-a-zə̀, loʼ sey nə̀ a loʼ kə wù wey tə bəghəmnə tə̀ Zə̀ kə, tə loʼnə ni fwaʼ fwaʼ kə tii kə.

Hibru 4:9

I sey dii nə̀ Zə̀ kə n bayyə naŋa nəŋə i zayyə zə tə̀ ghə̂ a wi ghə ighəllə tə̀ tə â zayyənə n tsuʼ inaʼ.

Màʼlə kə Jud tə̀ ghə̂ a Kəzə̀ ghə 1:20

Abə ghaa a waazə ghuŋ a dzuŋu ghə, ghaa dəm tsu kə ni bəghə kɔʼ bə bəghəm i fə̀ŋ i ghaa. I gɔŋŋə na n daʼa key Zay kə Zow kə fuunə tə ghaa.