Kəfwaʼ 9:2 - Kaa n Kəzə̀ n fəghə mə

² dza ndow tə̀ wi nə̀ tə fuu bə wi n màʼlə wey wə i tiilənə wi n ndaw tə udzəŋi tey n Damaskus, sey nə̀ tə kpaʼi koʼ wù loʼ tə dzûmənə jii i Mûkəbii, nə̀ a loʼ kə weynum nkee weyzən, tə n kwu tsu wi, ney bə wi n ndaw tsaʼ n Yerosalem.

Kəfwaʼ 9:2 ပူးပေါင်းရင်းမြစ်များ

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Kəfwaʼ 18:25

À n loʼ nə tə n tɔʼ zoʼlə ghəə ghə bòʼ jii zey i loʼnə i Mûkəbii zə. Tə n khə zày ni dii aghə̂ n ghəə ghə bòʼ Yeso loʼ sey nə̀ tə â tɔʼ khə kə aghəə bòʼ mmuu n Kəzə̀ mey Jɔn â fuunə.

Kəfwaʼ 19:23

À wən loʼ nəŋə zey chɔd u nii wə â nuu shi kɔʼnə n Efesus kuum jìi zey i loʼnə i Mûkəbii zə.

Kəfwaʼ 19:9

Ghə̂ a ghə a loʼ ghə n kee taw n tow kə, tuu ni bəghəm tûm i dzuŋu zə, khəə soʼo ghəə a bəbə ghə kuum Jìi zey Mûkəbii ləghənə n sə kə aghə̂. Pɔl n zəghə tsu ghə, ney nuu ndow ghi dzûmə tey tə â bəghəmnə tûm i dzuŋu zə ghi wi. Ghə n dzəŋi ndow ghɔɔmə zeeli tsə tsuʼu n dzəm n dzuu i ndaw i nii zey Tayranus â dii tsənə ghə̂ tii.

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 24:22

Feliks n kee loʼ nə tə tɔʼ khə soʼonu ghəə a Jìi zey i loʼnə i Mûkəbii zə, tə n tən naŋa ndow saʼ a tii isə, dza tə ghə nə̀, “Abə Lishyas, tow kə sàʼ kə təsawgoʼ wey i tsu bənə, mə i ndow n sə kə ni saʼ saʼ a ghaa.”

Kəfwaʼ 26:10

A wey bɔɔmə loʼ ghəə ghey mə â ghəŋŋənə n Yerosalem. Mə â ney kədaʼa n wɔ ghə fɔɔngili a nii ghə, kwu fii naŋa ndəmə ghə̂ a Kəzə̀ n ndaw tsaʼ. Ambə ghə tsəʼlə tsu saʼ nə̀ ghə wey ghə, mə n tsəm bəghəm soʼo nə ghə wey ghə.

Kəfwaʼ 26:12

Pɔl n ndow n sə kə dza nə̀, “Â wən loʼ moʼlə zey mə â khənə n fə̀ŋ nghee n ndownə n Damaskus n daʼa key ghə fɔɔngili a nii ghə â fuunə tə mə.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 7:19

Də̀ŋ kə tii kə n nəbə tsə ghə bày bày a ghey, chɔdlɔ ghə, tənnə ghə nə̀ ghə i sayyə maʼa waa a ghə a buu ghə tə ghə i kuulə.

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

Kəfwaʼ 9:21

Dzuu zə n zum ghə̂ ghey adzəm ghə â zownə ghɔɔmə i wi zə. Ghə n kaʼ ni bəb n wû i ghə nə̀, “N dza a wən loʼ wù wən tə â chɔdlɔnə ghə̂ ghey ghə tɔŋɔ tsu zəd i Yeso zə n Yerosalem ə? N dza zuŋ key tə â bənə fa tii â loʼ ni kwu ghə̂ a tii ghə, tə ney ndow fuu tə ghə fɔɔngili a nii ghə ə?”

2 Kɔrint 11:32

Nghee mə â loʼnə n Damaskus, gɔvənɔ wən tə â fwaʼanə n tənə də̀ŋ kə ghə tɔŋŋə Aretas, n tûm tsu sawgoʼ tə wi nə̀ ghə fìi naŋa tsu fuʼu n təmbàa ndzəm inaʼ tə̀ ghə kwu mə.

Galeshia 1:17

nkee ni kɔʼ n Yerosalem ni ndow koʼ ghə̂ ghey ghə â loʼ zey dzənə ngəd tə Yeso tə. Mə a fəd nuu ndow n mboʼo Arebya. Mə n nuu tsu fu, dzəŋŋə bə n naʼ i Damaskus.