Kəfwaʼ 8:37 - Kaa n Kəzə̀ n fəghə mə

³⁷ [Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Kəfwaʼ 8:37 ပူးပေါင်းရင်းမြစ်များ

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Malakus 16:16

Wù wey tə bəghəmnə ghəə zey ghaa dzanə, ney kɔʼ mmuu n Kəzə̀, tə i keeli ibəghəshi. Wù wey tə ka bəghəm i keeli ngoʼ.

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 9:35

Yeso n zow tsu nə̀ ghə n dzum shi wù wey n Ndaw kədzəŋi. Ambə Yeso ndòw koʼ tsunə wi, tə n bəb ndòw tə̀ wi nə̀, “Wə̀ bəghəm fuunu tə̀ Waa wù sɔŋtsuʼ ə?”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 8:12

Ambə ghə̂ a kee bəghəm kɔʼnə tûm zən Filip a naʼlənə kuum fɔɔ u Kəzə̀ nsə bòʼ Yeso Klisto, agheyzən nsə gheynum ghə n ney mmuu n Kəzə̀.

Kəfwaʼ 8:21

Wə ka kɔʼ kpi dzə ni fwaʼ fwaʼ kən, n təŋkey, fə̀ŋ zə zow way n sə̂ K-a-zə̀.

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 8:38

Sey, wù wey ghə â kâa naŋanə wi n dza nə̀ ghə kwu teyyə naŋa tsu kaya ə khinyam zey. Ghə n dzəŋi nyi tsu n luʼu key mmuu mey mə â loʼnə tii, Filip n fuu tsu wi fu n mmuu n Kəzə̀ mə.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Roma 10:10

N dza sey n təŋkey, à loʼ bəghəm i fə̀ŋ zən wə khənə, i ghəŋŋənə nə̀ Zə̀ kə ney wɔ nə̀ wə loʼ tsətsəghə, à loʼ soʼo n dzuu zə wə dza shiə bənə nə̀ wə n bəghəm tə Klisto i ghəŋŋənə nə̀ Zə̀ kə bəghəshi wɔ.

1 Kɔrint 12:3

N ləghə nə̀ ghaa keeli tsu nə̀, wù loʼ way dzə abə tə ghɔɔmənə n daʼa key Zə̀ kə fuunə tə̀ wi, tə loʼnə ni dza tsu nə̀, “Yeso i koʼo kəbaŋ kaʼ.” Wù loʼ way soʼo tə loʼnə ni dza nə̀, “Yeso loʼ Mûkəbii.” Nə̀ a way Zay kə Zow kə, kə ghəŋə nə̀ tə dza sey.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 4:15

Abə wù dza nə̀ Yeso loʼ Waa Kəzə̀, tə sey muu nə kəfə kəmɔʼ ghi Zə̀ kə, Zə̀ kə a muu soʼo nə kəfə kəmɔʼ ghi wi.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

1 Jɔn 5:5

A kəm loʼ ndee tə loʼ ni təm zə ghə̂ a mbi ghən, nə̀ a way wù wey tə bəghəmnə nə̀ Yeso loʼ waa Kəzə̀ ə?