Kəfwaʼ 7:35 - Kaa n Kəzə̀ n fəghə mə

³⁵ À loʼ Mushi wən ghə â tuu maʼanə wi, bəb tə wi nə̀, ‘À wɔ naŋa ndee nə̀ kətow nə̀ wə i saʼa ghey ə?’ À loʼ Mushi u mɔʼɔ wən Zə̀ kə â tûm bənə nə̀ tə bə doʼo tow kə ghə nsə bəghəshi ə ghə n bam i tsəndəghə Kəzə̀ zən zə â dii bənə wû wə tə̀ wi n mbvən ə ntsaŋ.

Kəfwaʼ 7:35 ပူးပေါင်းရင်းမြစ်များ

Malakus 12:26

Nya, n ghɔɔmə bə tə̀ ghaa bòʼ zhəm dzəŋŋə zə ivə, ghaa ka kam tɔŋɔ koʼ n màʼlə kə Mushi n luʼu key vəllə wə â fəə nə fəkaʼ a? Zə̀ kə â dza tə̀ Mushi nə̀, ‘N loʼ Zə̀ kə Abraham, Zə̀ kə Ayzik, nsə Jakob.’

Lukas 19:14

A n loʼ sey, nə ghə̂ ghə inaʼ a wi a ləghə way wi. Sey ghə n tûm ndow aghə̂ nə ghə ndow dza nə̀ ghə ləghə way nə tə doʼo də̀ŋ kə ghə.

Tùm i dzuŋu zə kuum Yeso Klisto tə Jɔn â tɔɔnə 18:40

Ghə n keeli kɔʼ fu n dzə̂ tə taw tə nə̀, “Ngaŋ, ghey ləghə kə Barabas.” Barabas â loʼ taw kə wù tsɔŋɔ.

Tùm i dzuŋu zə kuum Yeso Klisto tə Jɔn â tɔɔnə 19:15

Ghə n taw shiə kɔʼɔ kə n dzə̂ tə nə̀, “Wey wi, wey wi, baa wi n zat kə fəkaʼ!” Pilato n bəb tə̀ ghə nə̀, “Ghaa ləghə nə̀ n baa də̀ŋ kə ghaa n zat kə fəkaʼ a?” Ghə fɔɔngili a nii ghey n beeli ndow wi nə̀, “Ghey kəm khə way də̀ŋ kə loʼ kə, a may kə Kaysa.”

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 3:22

Mushi mâ dza nə̀, ‘Mûkəbii, Zə̀ kə ghaa, i say kɔʼɔ wù tûm ə wi n fəŋŋə kə ghaa tə̀ tə â sàynə mə. Ghaa khə ni teeli zow ghəə ghey adzəm tə dzanə tə ghaa.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Kəfwaʼ 7:30

Ambə num tə tsəghə tsunə nghəm nkaykə, tsəndəghə Kəzə̀ n bən shi kɔʼ n sə kə Mushi nə uvələ u bəʼlənə n kɔɔ kəghìi n mbvən ə ntsaŋ n səə kaʼ u Sinay.

Kəfwaʼ 7:51

Sətifən n ndow n sə kə dza nə̀, “Ghə̂ a taw a kətow ghən! Ghaa bɔɔmə khə kə fə̀ŋ tə ghə̂ ghən ghə ka bəghəm tə Zə̀ kə, ləghə soʼo way ni zow isəŋə. Ghaa baa ni tuu maʼa ghəə ghey Zay kə Zow kə dzanə. Ghə bày bày a ghaa â ghəŋŋə tsə sey, ghaa bɔɔmə loʼ soʼo sey.

Kolose 1:15

Klisto loʼ fiilə K-a-zə̀ nə aghəə adzəm, tɔŋŋə Zə̀ kən a koʼo way. Tə Zə̀ kə ni bɔm mbi, à n loʼ nə waa wi loʼ zeynu, tə u loʼ nə tow kə n fə u mbi udzəm.

Hibru 2:2

N dza sey n təŋkey, tûm Kəzə̀ zən tsətəndəghə tə Kəzə̀ tə a fuunə tə̀ ghə bày bày a saa ghə, loʼ isəŋə. Ghə̂ ghən adzəm ghə dzûmə way tûm tii nkee ghə naŋŋə way laŋ kə tii kə, ghə mâ keeli ngoʼ zən zə a kpiinə tə̀ ghə.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!