Kəfwaʼ 6:9 - Kaa n Kəzə̀ n fəghə mə

⁹ Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 6:9 ပူးပေါင်းရင်းမြစ်များ

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Matyo 23:34

Sey, n dza bə tə̀ ghaa nə̀, mə î tûm bə ghaa n tûm tə Kəzə̀ tə, ghə̂ a tɔbə ghə, nsə ghə̂ a dii a kəlaŋ ghə. Ghaa i wey maʼa a loʼ ghə, ghaa baa a loʼ ghə n zat kə fəkaʼ, ghaa i bwɔd a loʼ ghə n Ndaw tə udzəŋi tə ghə̂ a Təjuu, ghaa i dzùm ghə naʼa tə naʼa.

Matyo 27:32

Nghee tə̀ ghə nuulə shiə ndòwnə n naʼ i Yerosalem, ghə n kpiilə bə ghi wù Sirin u loʼ wə zəd i wi zə â loʼnə nə̀ a loʼ Shimun. Sawgoʼ tey n kwu tsu wi nə kədaʼa nə̀ tə boʼo zat kə fəkaʼ kə Yeso.

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 13:45

Ambə tow wə inaʼ u ghə̂ a Təjuu ghey koʼ tsunə nɔɔ kə aghə̂ kən, ghə n kaʼ ni ghoʼ, khə̂mə ghəə ghən Pɔl dzanə, kpaalə soʼo wi.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 21:27

Ambə tsuʼu mə ikhəmə mən nsəghəmbəghə may kəŋŋə bənə, ghə̂ a Təjuu a loʼ ghə ghə â nuu bənə n Eshya, n koʼ tsu Pɔl n dzəŋi kə ndaw Kəzə̀ n Yerosalem. Ghə n təəbə ghə̂ ghey fu adzəm, ghə n nuu baʼlə kwu kɔʼ Pɔl.

Kəfwaʼ 21:39

Pɔl n beeli ndow wi nə̀, “N loʼ wù Juu. Ghə ji n Tasus n mboʼ ə Silishya. N shi n naʼ i nii zə. N buʼ fu wɔ n wɔɔ kə, zəghə mə tə n ghɔɔmə ndow tə ghə̂ ghən.”

Kəfwaʼ 22:19

Mə n beeli ndow wi nə̀, ‘Mûkəbii, wû i ghə, ghə khənu nə̀ mə â kwɔɔ kaabə bə ghə̂ ghey ghə bəghəm fu tə wɔ n ndaw tə udzəŋi tən tədzəm, bwɔdlɔ ghə, fìi naŋŋə soʼo ghə n ndaw tsaʼ.

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 23:34

Ambə gɔvənɔ tɔŋɔ kɔʼ màʼlə kə tii kə, tə n bəb tə Pɔl nə tə shi n mboʼ i ghaa zə. Pɔl n beeli ndow nə̀ i shi n mboʼo Silishya.

Kəfwaʼ 24:18

Ghə̂ a Təjuu ghən â bə koʼ bə mə nə̀ ghəŋŋə ghəə ghən n bii kə ndaw Kəzə̀, nə̀ mə n mayyə ni sow maʼa wû wuŋ tə laŋ kə diinə nə̀ mə i zow. Nɔɔ kə aghə̂ kə â way dzə ghi mə, mə n ka soʼ soʼo kəngəd.

Kəfwaʼ 26:11

Mə n chɔd ghə n ndəmə tənəŋə n ndaw tə udzəŋi tə ghə ni ghəŋə nə̀ ghə tuu maʼa Yeso. Mə n ngii baa ghə n jìi zey mə n bəghəm kaabə ndow ghə n naʼa tə tətùm ni chɔd ghə.”

Kəfwaʼ 6:10

Ghə n dəm kii ni ghɔɔmə baalə ghi wi bòʼ tɔb wey Zay kə Zow kə â fuunə tə wi.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

Galeshia 1:21

Ambə n nuu tsunə fu, mə n nuu ndow n Sirya nsə n Silishya.