Kəfwaʼ 5:16 - Kaa n Kəzə̀ n fəghə mə

¹⁶ Nɔɔ wə aghə̂ wə n nuu bə n naʼa tey tə â kuʼlə loʼnə n səə naʼ i Jeroslem, luu nyi bə n Yerosalem. Ghə n boʼlə bə ghə̂ a ghə a dzaŋa ghə nsə ghə̂ ghey zay u bəbə wə â loʼnə n kow ghə. Ngəd tə Yeso tə n baŋŋə ghə adzəm.

Kəfwaʼ 5:16 ပူးပေါင်းရင်းမြစ်များ

Matyo 2:16

Ambə Helɔd bə keeli kɔʼnə nə̀ ghə̂ a tɔbə ghey n wi lòʼlə naŋa, tə n fəələ nay ndòw unəghə, daŋŋə tsəʼlə tsu kəlaŋ nə̀ ghə wey maʼa waa à num ghən ghə loʼnə nə̀ ghə ka kam kuum num tə̀ təbəghə n naʼ i Betelehem nsə n dəŋə kə tii kə kədzəm tə̀ tə â tɔʼlə shi kɔʼnə n wɔ̂ ghə̂ a tɔbə ghey.

Matyo 4:24

Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Matyo 8:16

Ambə n nəŋə i fənə zə, ghə̂ ghə n ney bə ndəmə tə aghə̂, ghə̂ ghey zay u bwu wə â loʼnə n kow ghə. Yeso n dzùm shi zay u bwu wey, baŋŋə ghə̂ ghey ghə â dzaŋanə adzəm.

Lukas 5:17

Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀

Lukas 6:18

Ghə â bə ni bə zow ghɔɔmə i wi nsə ni baŋə wû i ghə. Yeso n baŋə ghə, baŋə soʼo ghə̂ ghey zay u bwu wə â fəmmənə ghə.

Lukas 9:11

Nghee tə̀ ghə̂ a keeli tsunə luʼu key tə loʼnə tii, ghə n dzûmə ndòw wi. Tə n kpii ney kɔʼ ghə, ghɔɔmə tə̀ ghə bòʼ fɔɔ u Kəzə̀, baŋŋə a ghey ghə â loʼ nə̀ ghə khə tədzaŋa.

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Kəfwaʼ 4:30

Dii bə daʼa kə kə̀ sey nə̀ ghey i loʼ ni baŋŋə ghə̂ ghə, ghey i ghəŋə ghəə a faalə ghə n zəd i Yeso, wù kəfwaʼ wə u zow wə.”

Kəfwaʼ 5:15

Ghəə ghey tsətəndəghə tə Klisto tə â ghəŋŋənə n ghəŋə nə̀ ghə̂ i boʼlə bə ghə̂ a dzaŋa ghə n khəə u təjii, nə ngham nsə nə nkay, sey nə̀, abə Pita tsəghənə, zəŋŋə kə wi kə n loʼ ni mɔm daŋŋə tsə ghə̂ a loʼ ghə, ghən taw i kɔʼ.

Kəfwaʼ 5:17

Fɔɔngili u nii nii wə nsə ghə̂ a wi ghə, ghə â loʼnə n zəghə u tə Sadusi, n khə kəghoʼ, ghə daŋŋə dza nə̀ ghə khə ni chɔd ngəd tə Yeso.

1 Kɔrint 12:9

Zay kə Zow kə fuu wù umɔʼ n bəghəm i fə̀ŋ i nii zə, Zay kə mɔʼɔ kə n fuu tə u loʼ wey n naamə kə ni baŋŋə ghə̂ a dzaŋa ghə,

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.