Kəfwaʼ 5:12 - Kaa n Kəzə̀ n fəghə mə

¹² Ngəd tə Yeso tə â ghəŋŋə ndəmə ghəə a faalə ghə nsə ghəə a zum ghə idzuu ghə n fəŋŋə kə aghə̂. Dzûmə tə Yeso tədzəm tə n təmə dzəŋi tsə n zeeli kə Solomun.

Kəfwaʼ 5:12 ပူးပေါင်းရင်းမြစ်များ

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Tùm i dzuŋu zə kuum Yeso Klisto tə Jɔn â tɔɔnə 10:23

Yeso n bwey tsəghə n Ndaw Kəzə̀ n bad key ghə tɔŋɔnə nə̀ a loʼ zeeli kə Solomun.

Tùm i dzuŋu zə kuum Yeso Klisto tə Jɔn â tɔɔnə 4:48

Yeso n dza ndòw tə̀ wi nə̀, “N khənu nə̀ wù ghaa umɔʼ way ni bəghəm tə mə nə̀ tə ka koʼ dzə tsəə tə nsə n faalə mə.”

Kəfwaʼ 1:14

Ghə n təmə dzəŋi nəŋə tədzəm ni gɔŋŋə ghi gheyzən a loʼ ghə nsə Maria nay Yeso ghi waazə a wi ghə.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 16:18

Waa u zən wən n ghəŋə kəŋə ndow ghəə ghə n ndəmə ntsuʼu. Ghə zən n zey ni fəmmə Pɔl, tə khə̂mə dza ndow tə̀ zay kə bəbə key nə̀, “N zəd i Yeso Klisto, n dza nə̀ wə shi n kow wi!” Zay kə tii kə daŋŋə nuu shi bə n kow wi.

Kəfwaʼ 19:11

Zə̀ kə n fu tsu Pɔl n daʼa kə, tə n ghəŋŋə ndəmə ghəə a faalə ghə nə ghə̂ a ka kam koʼ koʼ tsə.

Kəfwaʼ 2:46

Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 28:9

Nghee ghəə ghən shi kɔʼnə, ghə̂ a dzaŋa ghey adzəm fu n naʼ zey dzuu dzəŋŋə naŋa kɔʼnə n ndow bə soʼo, Pɔl n baŋŋə kɔʼ ghə.

Kəfwaʼ 3:11

Nghee tə wù wey zən doʼo ndow n kow Pita ghi Jɔn, dzuu zə n zum ghə. Ghə̂ ghə n nyəŋ zuŋŋə bə fu n luʼu key ghə â tɔŋŋə nə̀ a loʼ zeeli kə Solomun.

Kəfwaʼ 4:30

Dii bə daʼa kə kə̀ sey nə̀ ghey i loʼ ni baŋŋə ghə̂ ghə, ghey i ghəŋə ghəə a faalə ghə n zəd i Yeso, wù kəfwaʼ wə u zow wə.”

Kəfwaʼ 9:33

Tə n ndow kwɔɔlə ndow wù loʼ fu tii ghə â tɔŋŋə nə̀ a loʼ Enias, nə̀ wû u wi wə n kpu doʼo nə tənùm ifam nə tə nuulə kɔʼɔ way nə ukay.

Kəfwaʼ 9:40

Pita n kuŋŋə dza kə tə ghə nə̀ ghə nuu shi ndow a bii ghə adzəm. Tə n təm ndow tənguʼ aghəd, gɔŋŋə i tsu. Tə n khə̀mə ndow uwû n bad key vən zey zə â nyə̀ŋnə tii, dza tsu nə̀, “Tabita, nuu kɔʼ!” Tə n chi kɔʼ sə̂ a wi, nghee tə koʼ kɔʼnə Pita, tə n nuu doʼo i kɔʼ.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

2 Kɔrint 12:12

Mə â kow tsu fə̀ŋ ni ghəŋə ndəmə ghəə a zum ghə idzuu ghə nsə faalə mə n fəŋŋə kə ghaa ni dii bə tə̀ ghaa nə̀ n ndzəm loʼ ngəd ə Yeso.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.