Kəfwaʼ 3:18 - Kaa n Kəzə̀ n fəghə mə

¹⁸ À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Kəfwaʼ 3:18 ပူးပေါင်းရင်းမြစ်များ

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”