Kəfwaʼ 3:17 - Kaa n Kəzə̀ n fəghə mə

¹⁷ Waazə ghə, n khənu nə ghaa nsə ghə̂ ghən ghə laalənə ghaa, ghaa â ghəŋə ghəə ghən n kow Yeso n təŋkey ghaa â khə way ghəə zey ghaa â ghəŋŋənə.

Kəfwaʼ 3:17 ပူးပေါင်းရင်းမြစ်များ

Lukas 23:13

Ambə ghə bə dzəŋŋənə, Pilato n tɔŋɔ naŋa bə ghə fɔɔngili a nii ghə, ngəd tə inaʼ, nsə ghə̂ ghə adzəm.

Lukas 23:34

Yeso n gɔŋŋə dza, “Bày neyzəə ghə̂ ghən təŋkey ghə khə way ghə zey ghə ghəŋənə.” Sawgoʼ tey n təm mboʼ ni keeli nghee tə ghə loʼnə ni dzaw ndzə tə wi tə n wû i ghə.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 16:3

Ghə nə ghəə ghən ghəŋŋə n kow ghaa, n təŋkey, ghə khə way mə, khə soʼo way Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 7:52

Ghə n beeli ndòw wi nə̀, “Wə shi soʼo n Galili ə? Tɔʼɔ kəŋ shi kɔʼ n màʼlə K-a-zə̀, wə i koʼ tsu nə̀ Wù tûm Kəzə̀ u loʼ u nə shi koʼ way n Galili.”

Kəfwaʼ 13:27

Ghə̂ ghən ghə â muunə n Yerosalem nsə ghə̂ ghey ghə laalənə ghə, ghə â ka koʼ keeli dzə nə̀ Yeso loʼ wù wən Zə̀ kə â dza naŋa nə̀ i tûm bənu, ghə n zowkeeli soʼo way ghɔɔmə i tûm tə Kəzə̀ tən ghə â mgbaŋa tɔŋɔ dza tsənə tə̀ ghə n tsuʼu mə inaʼ n dzəm. Ghə n fəd luulə ghəə ghən tûm tə Kəzə̀ tə â tɔ̀ɔ naŋanə nghee ghə â wey tsu Yeso.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 26:9

Wû wuŋ, mə â moʼlə soʼo nə n tsəm khə ni kəŋ tsu təjìi tədzəm ni tuu maʼa nə̀ ghə̂ a ka bəghəm zəd i Yeso wù Nazaled.

Kəfwaʼ 28:21

Ghə̂ ghey n dza tə Pɔl nə̀, “Ghey ka kam koʼ dzə màʼlə kə loʼ kə fa, kə nuu bə n Judeya kuum wɔ. Waazə a saa ghey ghə buʼu bəghə tsənə fa, u loʼ u ka kam bə naʼa koʼ tsə nkee ni dza koʼ tsə ghə i bəbə i loʼ zə kuum wɔ.

Kəfwaʼ 7:40

Ghə n dza ndow tə Erɔn nə̀, ‘Fwaʼa kɔʼ saa n zə̀ u loʼ wə, wə i diinə saa n jii. Abə Mushi wən tə ney shi bənə ghey n naʼ zə Ijip, a khə way ghəə zey i shinə ghi wi.’

Roma 11:2

I loʼ nə̀ Zə̀ kə ka tuu maʼa dzə ghə̂ ghən tə â sày naŋa kɔʼnə nə̀ a loʼ ghə̂ a wi nə nzeyyə. Ghaa məghənu ghəə zey i tɔ̀ɔ doʼonə n màʼlə K-a-zə̀ kuum Elayja ə? Ghə məghənu nghee Elayja â buʼnə wɔɔ kə tii tə̀ Zə̀ kə n tow u ghə̂ ghə Izree? Tə â buʼ kəwɔɔ nə̀,

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

Efesus 4:18

Fə̀ŋ tə ghə tə zowkeeli way ghə i loʼ zə n ghəə a Kəzə̀, ghə khə soʼo way wɔɔ kə n muu zən Zə̀ kə fuunə, n təŋkey, ghə khə way ghə i loʼ zə, taw soʼo n tow kə.

Filipi 1:22

Abə n kee nam muunə fa mbi, n loʼ ni nam fwaʼ fwaʼ kə nii kə. Sey n way ni dza ghəə zey mə i sàynə.

1 Timoti 1:13

Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.