Kəfwaʼ 28:30 - Kaa n Kəzə̀ n fəghə mə

³⁰ Pɔl n muu fu nə tənum təbəghə nə tə tsəə ndaw wi n nəŋə wi. Tə n laalə dzɔbə tə ghə̂ ghey adzəm ghə â bə bweyyə koʼnə wi.

Kəfwaʼ 28:30 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 1:39

Tə n dza tə̀ ghə nə̀, “Bə̀ na tə̀ n ndow dii bə luʼu key n muunə tii.” À n loʼ nə̀ a nya loʼ tənəŋə təkaykə n nəŋə i fənə tə. Sey ghə nuu ndòw n baa wi, ndòw koʼ tsu luʼu key tə muunə tii, doʼo zeeli ndòw fu ghi wi.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 24:27

Ambə num tə tsəghə tsu təbəghə, Pɔshius Festus n kɔʼ kɔʼ ndaŋ ə Feliks tə a loʼ gɔvənɔ. Feliks n naŋa taʼa tsu Pɔl n ndaw tsaʼ n təŋkey, tə â ləghə ni keeli tûm usə u dzuŋu wə ghi ghə̂ a Təjuu ghə.

Kəfwaʼ 28:16

Ambə ghey bə nyi bənə n Rom, ghə n zəghə tsu Pɔl nə tə muu n ngəŋ ə wi, kee naŋa tsu kə sawgoʼ imɔʼ nə zə i keyyə wi.

Kəfwaʼ 28:29

[Ambə Pɔl khəə may tsu ghəə ghən, ghə̂ a Təjuu ghey n zəghə tsu fu, fəə ndow asɔŋ n jii nə iwû.]

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

2 Kɔrint 11:23

Ghə dza nə̀ ghə loʼ ghə̂ a kəfwaʼ a Klisto ə? (N ghɔɔmə tə̀ a loʼ wù zəghə), n buʼ tsəghəshi ghə. Mə n fwaʼ ndəmə tə aghəə tə səŋi tə, nyi n ndaw tsaʼ n ndəmə tənəŋə, ghə n mə bwɔd n ndəmə tənəŋə, mə n koʼ və zə n ndəmə tənəŋə.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

Filipi 1:13

Sey, təsawgoʼ tə tədzəm n tɔʼ n naʼ i Roma nsə ghə̂ ghən adzəm fa, ghə khənu nə n loʼ n ndaw tsaʼ boʼnə n loʼ wù kəfwaʼ a Klisto.

2 Timoti 1:17

Ambə tə bənə n Rom, tə n kəŋ mə nə təluʼu tədzəm, bə kəŋ koʼ bə mə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.