Kəfwaʼ 28:28 - Kaa n Kəzə̀ n fəghə mə

²⁸ Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”

Kəfwaʼ 28:28 ပူးပေါင်းရင်းမြစ်များ

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Lukas 3:6

sey ghə̂ a mbi adzəm i koʼ nghee tə Zə̀ kə bəghəshiənə ghə̂ ghə tii.’”

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”

Kəfwaʼ 15:17

Seynə ghə̂ a naʼa tə nuu tə loʼ ni kəŋ bə mə, tɔŋŋə ghə̂ ghən adzəm ghə way ghə̂ a Təjuu ghə, n sày shi bənə nə ghə doʼo ghə̂ ghuŋ.

Kəfwaʼ 15:14

Shimun n tiilə dza tə saa nghee Zə̀ kə â buʼ diinə ləghə i wi zə tə ghə̂ ghən ghə way ghə̂ a Təjuu ghə, sày shi bə aghə̂ n fəŋŋə kə ghə nə̀ ghə doʼo ghə̂ a wi.

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Roma 4:11

Ghə â wɔ səghənu tyi kə Abraham kə. Ghə â səghə tyi kə wi tə a loʼ tsəə ni dii tsu nə̀ tə â bəghəm tə̀ Zə̀ kə nə̀ ghə ka kam səghə tyi kə wi kə. Zə̀ kə n ney ndow wi nə̀ tə loʼ wù wən tə loʼnə tsətsəghə bòʼ bəghəm i fə̀ŋ zey tə khənə n kow wi. Sey, Abraham loʼ bày tə ghə̂ ghən adzəm ghə bəghəmnə tə Zə̀ kə, Zə̀ kə a ney soʼonə ghə nə̀ ghə loʼ tsətsəghə abə ghə tsəm loʼ kə nə̀ ghə ka kam səghə tyi u ghə wə.

Roma 11:11

Sey, n bəbə nə̀, à loʼ nə̀ ghə̂ ghə Izree ghə â bwu sa bwu tən kənu ə? Ngaŋ! À ndɔm way dzə sey. I fəd loʼ nə̀ ghə̂ ghə Izree ghə â ghəŋə bəəbə tsunu, sey, Zə̀ kə n ghəŋə nə̀ ghə̂ ghən ghə way ghə̂ a Təjuu a keeli ibəghəshi ni ghəŋə nə̀ ghə̂ ghə Izree ghə i ghoʼo.

Kəfwaʼ 13:38

Waazə ghuŋ ghə, n ləghə nə̀ ghaa keeli tsu nə̀, tûm zey ghey naʼlə bənə tə ghaa loʼ nə̀ aloʼ n bam i Yeso Zə̀ kə neyzəənə bəb zey ghaa ghəŋŋənə.

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 2:14

Sey Pita n nuu təmi kɔʼ idəŋ ghi tsətəndəghə tə loʼ tey ighəm nsə ghii zə imɔʼ, dza shi kɔʼ n dzə i taw zə tə nɔɔ kə aghə̂ key nə̀, “Waazə ghuŋ ghə, ghə̂ Təjuu ghə nsə ghaa ghən adzəm ghaa muunə n Yerosalem, tɔʼɔ chi kɔʼ na tuŋŋə u ghaa wə ghaa zəllə ghɔɔmə zuŋ.

Kəfwaʼ 4:10

n dza n dza bə tə ghaa adzəm nsə ghə̂ ghə Izree ghə adzəm nə a loʼ n zəd i Yeso Klisto, wù Nazaled, wù wən teynə fa n sə kə ghaa nə tə n taw doʼo bə. Ghaa â baa Yeso wən n zat kə fəkaʼ, Zə̀ kə n kee zhəm dzəŋŋə bə wi nə ivə.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 28:29

[Ambə Pɔl khəə may tsu ghəə ghən, ghə̂ a Təjuu ghey n zəghə tsu fu, fəə ndow asɔŋ n jii nə iwû.]