Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kəfwaʼ 28:23 - Kaa n Kəzə̀ n fəghə mə

23 Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

အခန်းကိုကြည့်ပါ။ ကော်ပီ




Kəfwaʼ 28:23
19 ပူးပေါင်းရင်းမြစ်များ  

Nəŋə i loʼ i way Yeso â diinə ghə̂ ghə, nə̀ tə ka dza n ghɔɔmə i fənkəfən. Ambə tə loʼ kənə ghi ngəd tə wi tə, tə n tiilə dza ndòw tə̀ ghə ghəə zey i diinə.


Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’


Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”


Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.


Ambə chɔd u wi u may tsunə, tə n dii ndow wû u wi tə ngəd tə wi tey n ndəmə tətsəə nə̀ ghə keeli tsu nə̀ tə nam loʼ utaw. Tə n dii ndow uwû, ghɔɔmə dzəŋi ndow ghi ghə bòʼ ghə i fɔɔ u Kəzə̀ ni kuum kɔʼ ndow ntsuʼu nghəm nkaykə.


Tə n təmə zəə tsə ghə̂ a Təjuu n sə kə aghə̂ nə ighɔɔmə nghee tə â ney shiə kɔʼɔnə ghəə ghə n màʼlə K-a-zə̀ dii ndow tə ghə nə Yeso loʼ wù wey Zə̀ kə â dza naŋa nə̀ i tûm bənu.


N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.


Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.


N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”


N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.


Ghə mə fa nya saʼa boʼnə n bəghəmnu, ləmmə tənə təb key Zə̀ kə â təb naŋanə tə ghə bày bày a ghey ghə.


Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.


Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.


Ghey tɔ̀ɔ bə soʼo màʼlə kən tə Afia waazə ə ghey, Achipus wən tə fwaʼa dzəŋi ghi ghey nsə tə ghə̂ a ndaw Kəzə̀ ghən ghə nyiənə n ndaw zə a Filemun.


Ghəə i loʼ i loʼ kpiʼinu, bayyə naŋa tsu mə n dzuu i ndaw zə, n təŋkey, n khə tənnu nə̀ Zə̀ kə i kuʼlə zownu gɔŋŋə tə ghaa tə, tə ney dzəŋŋə bə mə tə ghaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ