Kəfwaʼ 28:17 - Kaa n Kəzə̀ n fəghə mə

¹⁷ Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 28:17 ပူးပေါင်းရင်းမြစ်များ

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 23:33

Ambə ghə̂ ghə ukhinyam ghən bə nyi bənə n Kayserya, ghə n fuu ndow màʼlə key tə̀ gɔvənɔ, fuu tsəghə ndow soʼo Pɔl tə wi.

Kəfwaʼ 25:10

Pɔl n fəd beeli ndow wi nə̀, “N fa tey n tay i saʼ i də̀ŋ kə Rom, à loʼ fa ghə khə ni saʼ saʼ zuŋ. Wû wə, wə khənu nə̀ n ka ghəŋə bəəbə dzə ghə i loʼ zə tə ghə̂ a Təjuu ghə.

Kəfwaʼ 25:2

Ghə fɔɔngili a nii ghə nsə ngəd tə Təjuu tə loʼ tə n ney teyyə bə saʼ zey ghə â khənə ghi Pɔl tə Festus.

Kəfwaʼ 25:8

Pɔl n tuu ghəə ghey adzəm ghə kwunə wi tii, dza nə̀, “N ka laŋ kə ghə̂ a Təjuu kə loʼ kə zaʼ dzə, n ka ghəŋə bəəbə ghə i loʼ zə n ndaw Kəzə̀ n Yerosalem, n ka dza bəəbə soʼo ghə i loʼ zə tə dəŋ kə Rom kə.”

Kəfwaʼ 6:14

Ghey â zow wi tə dzanə nə̀ Yeso wù Nazared wən i saʼa maʼanu Ndaw Kəzə̀ ə saa zən, tə kwey kɔʼ soʼo ghəə ghə inaʼ ghən Mushi a fuu naŋanə tə̀ saa.”