Kəfwaʼ 28:15 - Kaa n Kəzə̀ n fəghə mə

¹⁵ Dzûmə tə Klisto tey fu n zow tsu nə̀ ghey nya bəghənu, ghə n lɔʼlə bə taa bə n Bikiwən kə Apius nsə n luʼu kə bəŋə bweeli kə ghə â tɔŋŋə nə̀ a loʼ Utsə utəghə, ni bə koʼ ghey. Ambə Pɔl koʼ tsu ghə, tə n fuu zɔŋŋə K-a-zə̀, fə̀ŋ n daŋŋə nyi bə wi.

Kəfwaʼ 28:15 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 12:13

Sey, ghə n ney kɔʼ utsəghə ndow ni kpii ney wi, fuu ukali n dzə̂ tə taw tə dza nə̀, “Kali u Kəzə̀! Zə̀ kə buulə wù wey tə bəghənə n zəd i Mûkəbii. Zə̀ kə buulə də̀ŋ kə naʼ zə Izree!”

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 10:23

Pita n ney nyi ndow ghə n ndaw, dza nə̀ ghə gaʼ bweeli tsu fu. Tsətsə wey, Pita nsə dzûmə tə Klisto tə loʼ tə n Jopa n nuu dzəŋi ndow ghi ghə.

Kəfwaʼ 10:25

Nghee Pita nyiə ndownə n ndaw, Kɔnilus n kpii ney bə wi, təm ndow tənguʼ n tənnə wi, fuu ndow wi n ngɔɔmə zə.

Kəfwaʼ 11:1

Ngəd tə Yeso, nsə dzûmə tə Klisto tə loʼ tən tə a loʼ kaabənə n Judeya, n zow tsu nə̀ ghə̂ ghən ghə way ghə̂ a Təjuu ghə n bəghəm soʼo ghɔɔmə i Kəzə̀ zə.

Kəfwaʼ 11:12

Zay kə Zow kə n dza bə tə mə nə̀ kə n nə səmənə ni ndow ghi ghə. Waazə a saa ghən a tuubə n bə dzəŋi ghi mə, ghey n ndow nyi ndow n ndaw wù tii.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 21:5

Ambə nəŋə i ghey i nuulə i kpii tsunə, ghey n zey ndow nə̀ u nuulə wə. Ghə adzəm, ghey a ghə nsə waa a ghə ghə n nuu shi bə inaʼ ni bə tənə naŋa ghey n nguŋ ə dzuu. Ghey n tsu nyaʼa tsu fu ghi ghə, gɔŋŋə tsu.

Kəfwaʼ 28:14

Ghey n bə koʼ bə dzûmə tə Klisto tə loʼ tə fu, ghə n dza nə̀ ghey muu doʼo tsu iwən ghi ghə. À wən loʼ nghee ghey â bweynə tii ni bə nyi n naʼ i Rom.

Roma 15:24

N bayyə ni bə nyisa. N moʼlə ni bəŋ koʼo daŋa tsə ghaa, n dzə doʼo kəŋə bə ghi ghaa tə̀ fə̀ŋ zuŋ tsu kay tsu. Abə mə i dzə doʼo kəŋə bənə ghi ghaa, mə tsəghə ndow daŋŋə n Spen, ghaa i loʼ soʼo ni gaamə mə ni ndow fu.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

Galeshia 4:14

Dzaŋ zuŋ zə â loʼ tə a loʼ uchɔd tə̀ ghaa, n jìi zey ghaa â loʼnə ni tuu maʼa mə, ghaa n ka tuu maʼa mə, ka nyaŋ maʼa soʼo mə. Ghaa n fəd ngɔɔmə naŋa mə tə n loʼ tsəndəghə ə Kəzə̀ nkee Yeso Klisto n wû u wi wə.

1 Tesalonika 3:7

Sey waazə ghə n fəghə i zən nsə chɔd mən ghey koʼonə, ghey duʼlənu ghi ghaa bòʼ bəghəm i fə̀ŋ zən ghaa khənə.

Hibru 13:3

Ghaa i moʼlə tsu ghə̂ ghən ghə fìi naŋanə ghə n ndaw tsaʼ tə̀ a i dza ghaa dzəŋi loʼ n ndaw tsaʼ a tii ghi ghə. I moʼlə tsuu n na ghə̂ ghən ghə chɔdlɔnə ghə tə̀ a i dza ghaa zow soʼo fɔɔbə zey ghə zownə n gow uwû.