Kəfwaʼ 27:35 - Kaa n Kəzə̀ n fəghə mə

³⁵ Ambə Pɔl dza may tsu ghəə ghən, tə n ney kɔʼ kəbaa, gɔŋŋə ndow tə Zə̀ kə n sə kə ghə̂ ghey adzəm, bòʼ tsu, zey ndow nə̀ u zəə wə.

Kəfwaʼ 27:35 ပူးပေါင်းရင်းမြစ်များ

Matyo 14:19

Tə n daŋŋə dza ndòw nə̀ ghə̂ ghey doʼo tsu nə ughìi. Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, buulə tsu. Tə n boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key.

Matyo 15:36

Sey tə n ney kɔʼ baa wey usəghəmbəghə nsə tsəghə tey, fuu ndòw zɔŋŋə K-a-zə̀, boʼlə fu ndòw tə̀ ngəd tə wi tə nə ghə dzawwə fu ndow, ghə n dzawwə fu ndòw tə̀ ghə̂ ghey.

Malakus 8:6

Yeso n dza ndòw tə̀ nɔɔ kə aghə̂ key nə̀ ghə doʼo tsu aghəd. Tə n ney kɔʼ baa wey usəghəmbəghə, fuu tsu zɔŋŋə K-a-zə̀, boʼlə fuu ndòw tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key. Ghə n dzawwə fuu i ndòw.

Lukas 24:30

Ambə ghə doʼo tsunə ni zə̂, Yeso n ney kɔʼ kəbaa, buulə tsu, bòʼ fu tsəghə ndòw tə̀ ghə.

Tùm i dzuŋu zə kuum Yeso Klisto tə Jɔn â tɔɔnə 6:11

Yeso n daŋŋə ney kɔʼ kəbaa, fuu ndòw zɔŋɔ K-a-zə̀, dzaw fu ndòw tə̀ ghə̂ ghey ghə â doʼnə fu. Tə n ghəŋə tsu soʼo ighələ ghi tsəghə tey, ghə̂ ghən adzəm n keeli ufəzəə ndəm tə ghə ləghənə.

Tùm i dzuŋu zə kuum Yeso Klisto tə Jɔn â tɔɔnə 6:23

Fən u loʼ wə, wə â nuu bə n Tiberia n ndow bə fu n nguŋ inyi n səə luʼu key Mûkəbii â buulənə fəzəə wə tii, fuu tə nɔɔ kə aghə̂ kə, ghə n zə̂.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 14:6

Wù wey tə sày naŋa kɔʼnə tsuʼ fə loʼ fə nə̀ a loʼ tsuʼ fə səŋi fə tə̀ wi, tə sey ghəŋŋə kə ni fuu kɔʼləmə tə Zə̀ kə. Wù wey tə zə̂ənə fə wə udzəm, ngəŋŋə fuu kə nkɔʼlə tə Mûkəbii n təŋkey tə zə̂ə sey, tə n fuu kəzɔŋŋə tə̀ Zə̀ kə. Wù wey tə sày zə̂ənə fə wə, tə sey ghəŋŋə soʼo ni fuu ingɔɔmə tə Mûkəbii, tə u fuu soʼonə zɔŋŋə kə tə̀ Zə̀ kə n fə wey tə zə̂ənə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 1:8

Sey, kə wə i dədlə n tow kə ni təmi tiillə bòʼ Mûkəbii saa, kə wə nə dədlə soʼo n tow kə ni dza ndow nə̀ wə khənu mə wən n loʼ fa n ndaw tsaʼ bòʼ Klisto. Fət təmdzəŋi bə mə ni fəghə bòʼ tûm i dzuŋu zən. Wə khə ni fəghə n təŋkey Zə̀ kə n fuu wɔ n daʼa kə tii kə.

1 Pita 4:16

Abə i loʼ kə nə̀ wə fəʼlə n təŋkey wə loʼ dzûmə Klisto, kə wə i dədlə n tow kə, wə i fədlə fuu kali wə tə̀ Zə̀ kə nə̀ wə bəghəmmə zəd i Klisto.