Kəfwaʼ 27:24 - Kaa n Kəzə̀ n fəghə mə

²⁴ dza tə mə nə̀, ‘Ka tsəŋ dzə a Pɔl, də̀ŋ kə Rom kə khə ni teeli saʼ wɔ. Boʼnə, fə̀ŋ i dzuŋu zey Zə̀ kə khənə, tə n ghəŋə nə̀ ghə̂ ghey adzəm wə bweynə fa nə kəfən ghi ghə, wù ghə umɔʼ i kpu way.’

Kəfwaʼ 27:24 ပူးပေါင်းရင်းမြစ်များ

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Tùm i dzuŋu zə kuum Yeso Klisto tə Jɔn â tɔɔnə 11:9

Yeso n dza ndòw tə̀ ghə nə̀, “Luʼu tə zow tə khə nəŋə tə izow ighəm n ghii tə təbəghə nə fətsuʼ. Abə wù bweynə n tsə̀, tə way dzə ni tàŋŋə bwu, n təŋkey, tə koʼo təluʼu n daa kən fa n mbi.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 23:11

N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Kəfwaʼ 25:11

Abə i loʼ nə̀ mə n zaʼ laŋ kə, ghəŋə bəəbə ghə i loʼ zə tə ghə loʼ ni wey mə tii, n tuu dzə way ni kpu. Abə a kee loʼ nə̀ ghəə ghən ghə̂ a Təjuu ghən kwɔɔnə mə tii way dzə isəŋə, wù khə dzə way daʼa kə ni ney fuu tsəghə ndow mə tə ghə̂ ghən. N ləghə nə̀ də̀ŋ kə Rom kə saʼ saʼ zuŋ”

Kəfwaʼ 27:31

Pɔl n dza ndow tə wù nii təsawgoʼ wey ghi sawgoʼ tə wi tə nə̀, “Abə ghə̂ ghən ka doʼo tsu fa nə kəfən, ghaa i kpuu maynu.”

Kəfwaʼ 27:37

Ghey â dzəŋi loʼ aghə̂ nbɔm n bəghə nsə ghəm mə nsəghəmbəghə nsə ghii mə ntuubə fu tii nə kəfən.

Kəfwaʼ 27:42

Sawgoʼ tey n kad kɔʼ tsəm nə̀ ghə baa weyyə maʼa tsu ghə̂ a ndaw tsaʼ ghey adzəm nə̀ kə ghə nə təghə shiə ndownə n nguŋ i dzuu, ghə tyi nuu daŋŋə.

Kəfwaʼ 27:44

A loʼ ghey kee zən kɔʼ n baŋ wə nkaʼ nkee n fə u kəfən wey u khəmmə doʼonə, ghə i bəghə tii. À wən loʼ jìi zey ghə̂ ghə â tyillə shi may ndownə n nguŋ i dzuu nə̀ fə kə loʼ kə ka ghə mɔm.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Filemun 1:22

Ghəə i loʼ i loʼ kpiʼinu, bayyə naŋa tsu mə n dzuu i ndaw zə, n təŋkey, n khə tənnu nə̀ Zə̀ kə i kuʼlə zownu gɔŋŋə tə ghaa tə, tə ney dzəŋŋə bə mə tə ghaa.

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

Chi dii 1:17

Ambə n koʼ ndow wi, mə n bwu ndow n tənə fuu i wi, doʼo ndow tə a loʼ wù kpuu. Sey, tə n gaʼ tsu wɔ̀ kə wi kə zəə kə n kow mə, dza tsu nə̀, “Ka tsəŋ, aloʼ mə tɔŋŋə ney kəsə̂ nsə fii kəbam.