Kəfwaʼ 25:11 - Kaa n Kəzə̀ n fəghə mə

¹¹ Abə i loʼ nə̀ mə n zaʼ laŋ kə, ghəŋə bəəbə ghə i loʼ zə tə ghə loʼ ni wey mə tii, n tuu dzə way ni kpu. Abə a kee loʼ nə̀ ghəə ghən ghə̂ a Təjuu ghən kwɔɔnə mə tii way dzə isəŋə, wù khə dzə way daʼa kə ni ney fuu tsəghə ndow mə tə ghə̂ ghən. N ləghə nə̀ də̀ŋ kə Rom kə saʼ saʼ zuŋ”

Kəfwaʼ 25:11 ပူးပေါင်းရင်းမြစ်များ

Kəfwaʼ 16:37

Pɔl n fəd dza ndòw tə̀ wi nə̀, “Ghə n ghey bwɔd n sə̂ kə aghə̂ nə̀ ghə ka ghey saʼ, loʼ sey nə̀ ghey mgbaŋ loʼ ghə̂ a Roma. Ghə u ney fii naŋa ndownə ghey n ndaw tsaʼ. Ghə u dzanə nya nə̀ ghə tsɔŋ chi zəghə ghey. Ngaŋ! Ghey shiə way, ndow dza ndow na tə̀ ghə nə̀ ghə bə n wû i ghə zə, ghə bə chi zəghə ghey.”

Kəfwaʼ 18:14

Tə Pɔl ni kee kɔʼ kɔli, Galio n dza tə ghə̂ a Təjuu ghey nə̀, “Wee ghə̂ a Təjuu ghə, abə a mə loʼ nə̀ tə bwulə maʼa kəlaŋ, nkee nə̀ tə ghəŋə bəbə bəb kə ighəə kə loʼ kə, tə n mə loʼ ni zow n wɔ ghaa.

Kəfwaʼ 22:25

Ambə ghə kwu kow tsu wi nə ubaʼ, Pɔl n nuu bəb kɔʼ tə wù nii təsawgoʼ wey tə â tey fu nə̀, “Laŋ kə bəghəmnu nə ghaa bwɔd wù Rom nə ghaa ka wi saʼ tsu dzə isə ni koʼ nə̀ tə ghəŋə bəəbənu ghə i loʼ zə ə?”

Kəfwaʼ 25:10

Pɔl n fəd beeli ndow wi nə̀, “N fa tey n tay i saʼ i də̀ŋ kə Rom, à loʼ fa ghə khə ni saʼ saʼ zuŋ. Wû wə, wə khənu nə̀ n ka ghəŋə bəəbə dzə ghə i loʼ zə tə ghə̂ a Təjuu ghə.

Kəfwaʼ 25:12

Festus n saalə kɔʼ ghi ghə̂ a ndaw tsə a wi ghə, dza ndow tə wi nə̀, “Wə nɔɔ bə nə a tûm ndow saʼ zə tə Kaysa. Wə nya khə kə ni ndow n səə Kaysa.”

Kəfwaʼ 25:21

Pɔl n kee buʼ tsu kəwɔɔ nə ghə naŋa tsu kə wi, ghə tûm ndow saʼ a wi tə Kaysa tə̀ tə saʼ. Sey, mə n tsəʼlə tsu kəlaŋ nə̀ ghə naŋa tsu kə wi ni ndow kuum n nəŋə zey mə i tûm ndownə wi n səə Kaysa.”

Kəfwaʼ 25:25

Mə n laalə tsunə saʼ a tii, koʼ nə̀ tə ka ghəŋə dzə ghə i bəbə i loʼ zə tə ghə loʼ ni wey wi tii. Nghee tə ndzɔʼ dza bə dzə n wû u wi wə nə a tûm ndow saʼ a wi tə də̀ŋ kə Rom kə, mə n dza nə̀ n tûm ndownu wi fu.

Kəfwaʼ 26:32

Fɔɔ Agripa n daŋŋə dza tsu tə Festus nə̀, “a mə loʼ ni zəghə wù wən abə tə mə ka dza bə nə̀ a ney tûm ndow saʼ a wi tə də̀ŋ kə Rom kə.”

Kəfwaʼ 28:19

Ambə ghə̂ a Təjuu a ləghə way nə ghə zəghə maʼa mə, mə n khə kə ni dza nə̀ ghə tûm bə saʼ zuŋ tə də̀ŋ kə Rom kə. N buʼ khə dzə way moʼlə i loʼ zə ni kwu ghə̂ ghə inaʼ ghuŋ n ghəə zey ghə ghəŋə bəəbənə.

1 Tesalonika 2:15

À loʼ ghə̂ a təjuu ghən ghə â weynə Mûkəbii Yeso nsə tûm tə Kəzə̀ tə, dzùm nuu shi soʼo ghey n ndəmə tə tənaʼa. Ghə ghəŋŋə dzə way ghəə ghey a dzɔbənə n sə K-a-zə̀, ghə u baa soʼo ghə̂ ghə adzəm fa mbi.