Kəfwaʼ 24:5 - Kaa n Kəzə̀ n fəghə mə

⁵ Ghey n koʼ nə̀ wù wən loʼ wù uchɔd. À loʼ wi tə soʼo kaabə tsənə chɔd wə n fəŋŋə kə ghə̂ a Təjuu fa n mbi idzəm. À loʼ soʼo wi tow kə n zəghə u loʼ wə ghə tɔŋŋə nə̀ a loʼ zəghə u Nazarin.

Kəfwaʼ 24:5 ပူးပေါင်းရင်းမြစ်များ

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 2:23

Tə n ndòw muu doʼo ndòw fu n naʼ i loʼ zə ghə tɔŋŋənə nə̀ a loʼ Nazaled. Sey, ghəə zey wù tûm ə Kəzə̀ â dzanə n bə shi isəŋə nə̀, “Ghə î tɔŋŋə wi nə̀ a loʼ wù Nazaled.”

Malakus 1:24

“Wə fa bə ni bə ji ngee ghi ghey a Yeso ə Nazaled? Wə n bə ni bə ləŋi maʼa ghey ə? N khənu wù wey wə̀ loʼnə ghii wə, wə loʼ Wù Kəzə̀ u Zow wə.”

Lukas 23:19

(Barabas â loʼ wù loʼ ghə â fii naŋanə n ndaw tsaʼ kûm nə tə â khə kəwɔɔ n zùù zey zə â shinə inaʼ, nsə nə tə â wey wù).

Lukas 23:2

Ghə n kaʼ ni bàŋ dzuu i wi dza, “A kwu wù wən tə tsə̀ə bəəbənə ghə̂ a naʼ i Təjuu ghə nə kə ghə nə̀ tsownə màʼlə kə tə̀ Kaysa, tə tɔŋŋə soʼo wû u wi nə̀ i loʼ wù wən Zə̀ kə â dza naŋa nə̀ i tûm bənu, dii tsu nə tə loʼ Kədə̀ŋ.”

Lukas 23:25

Sey, tə n chi zəghə maʼa tsu wù wey ghə â ləghənə. Tə n zəghə maʼa shi bə Barabas wey ghə a fii naŋanə n ndaw tsaʼ kùm nə tə̂ â khə kəwɔɔ n zuu zey zə â shinə inaʼ nsə nə tə̂ â wey wù. Tə n fuu ndow Yeso tə ghə nə ghə ghəŋə ghə zey ghə ləghənə ni ghəŋə ghi wi.

Lukas 23:5

Ghə n mgbay kənu dza, “Tə dii kaabənə aghəə, ghəə a tii ghə a teyyə naŋa kɔʼ naʼ i Judeya zə idzəm nə ifuu. Tə â kaʼ n Galili, dii sa bə kûm bə fa.”

Kəfwaʼ 15:5

Dzûmə tə loʼ tə, tə â loʼ soʼonə ghə̂ a tə Falasi ghə, n nuu təmi kɔʼ dza nə̀, “Ghə khə ni teeli səghə tyi u ghə̂ ghən ghə way ghə̂ a Təjuu, ghə khə ni teeli naŋŋə soʼo laŋ u Mushi wə.”

Kəfwaʼ 21:28

Ghə̂ a tii ghə n buʼlə nbɔŋ, dza tsuu nə̀, “Ohooo Ghə̂ ghə Izree ghə, tɔm bə na ghey! À wən loʼ wù wey tə tsə̀ə bəəbə ghə̂ ghə nə təluʼu tədzəm nə̀ ghə ka i zow tə ghə̂ Izree ghə, ghə ka i naŋŋə laŋ kə Mushi kə, ghə ka i kɔʼlə soʼo ndaw Kəzə̀ ə saa i nii zən. Ghə zey i bəb tsəghəshi tsunə loʼ nə̀ tə baa ney nyi bə ghə̂ ghey ghə way ghə̂ a Təjuu fa n ndaw Kəzə̀ ə saa, ghəŋə nə̀ kə luʼu kən nə kəm zow.”

Kəfwaʼ 22:22

Ghə̂ a tii ghə n ndzɔʼ zəllə kə ghɔɔmə i Pɔl sa, kɔʼ kuum tsu n luʼu kən tə bə dza tsunə nə̀ Mûkəbii tûm wi nə̀ tə ndow naʼa tûm tə ghə̂ ghey ghə way ghə̂ a Təjuu ghə. Ghə n nuu taw shi kɔʼ fu n dzə tə nə̀, “Ney nuu nyam fəkaʼ wən! Wey maʼa n na wi n ghəlitsə kən! Ndzoʼo wù wən khə way ni loʼ utaw!”

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 24:4

À kee loʼ kə nə n ləghə way ni bəəbə nəŋə zə. N buʼu bə kəwɔɔ nə̀ wə nyaʼi kow tsu fə̀ŋ ni zəllə bə ghɔɔmə i ghey zən n gboolə khəələ kɔʼnə.

Kəfwaʼ 25:7

Ambə Pɔl bənə, ngəd tə Təjuu tey tə â nuu tsu bə n Yerosalem n nuu zuŋŋə tsəghə bə n səə wi, boʼo bə faalə tə aghəə n ndəm, kuu ndow n tow kə wi, nə imɔʼ way tii ghə loʼ ni tɔʼ dii nə̀ a loʼ isəŋə.

Kəfwaʼ 26:5

Ghə khənu nə nzeyyə, abə ghə mə loʼ ni tiilə dza bə, nə̀ mə â muu tsə tə a loʼ wù zəghə u ghə̂ a tə Falasi. Zəghə wən u taw tsəghənə zəghə mə ndzəm n ghəə a Kəzə̀ a ghey.

Kəfwaʼ 28:22

Ghey kee ləghənu ni zow moʼlə zə n təŋkey ghey khənu nə ghə tsəm ə khəə bəəbənu nə təluʼu tədzəm bòʼ zəghə wey wə loʼnə tii.”

Kəfwaʼ 5:17

Fɔɔngili u nii nii wə nsə ghə̂ a wi ghə, ghə â loʼnə n zəghə u tə Sadusi, n khə kəghoʼ, ghə daŋŋə dza nə̀ ghə khə ni chɔd ngəd tə Yeso.

Kəfwaʼ 6:13

Ghə n ney bə ghə̂ a loʼ ghə nə̀ ghə bə zɔʼ dza tsu nə̀, “Wù wən ka kam buu doʼo koʼ tsə nə̀ tə khəə way ghəə a bəbə ghə bòʼ ndaw Kəzə̀ ə saa i nii zən i zownə nsə laŋ u Mushi wə.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 4:13

Abə ghə kpaalənə ghey, ghey n kee beeli ndòw kə n dzə̀ i dzuŋu zə. Ghey maŋ loʼ tə̀ a loʼ fə̂ u kənunu tə̀ mbi. Ni bə kuum bə nya, ghey nya maŋ loʼ tə a loʼ dzə̂ u mbi ghə feeli maʼanə.

1 Pita 2:19

N dza sey n təŋkey, Zə̀ kə i dii fə̀ŋ ə wi i dzuŋu zə tə wɔ abə wə kownə fə̀ŋ ni fəghə nə ighəə nə̀ wə ka ghəŋə bəəbə, bòʼ nə̀ wə khənu ghəə zey Zə̀ kə ləghənə.