Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kəfwaʼ 24:24 - Kaa n Kəzə̀ n fəghə mə

24 Ambə tsuʼu n loʼ n tsəghə tsu, Feliks n ndow shi tsu bə ghi wey wi tɔŋɔ Drusila. Drusila â loʼ zən ə Juu. Tə n dza tsu nə ghə ney bə Pɔl. Ambə ghə ney bənə wi, ghə n tɔʼ zəllə nghee tə tiilə dzanə jìi zey ghə̂ a loʼ ni keeli bəghəm i fə̀ŋ tii n kow Yeso Klisto.

အခန်းကိုကြည့်ပါ။ ကော်ပီ




Kəfwaʼ 24:24
13 ပူးပေါင်းရင်းမြစ်များ  

Helɔd â tsəŋənu Jɔn n təŋkey tə â khə nə̀ Jɔn loʼ wù tsətsəghə, loʼ soʼo wù zow wə. Sey Helɔd n baʼa mbaŋ n tow kə wi. Tə â ləghənu ni zəllə ghɔɔmə i Jɔn zə, a kee loʼ nə̀ tə â ləghə way ghəə ghey Jɔn â dzanə.


Tə n ləghə ni koʼ Yeso, ji n way təŋkey tə â ngii kəbətəbə nu, nɔɔ kə aghə̂ kə n bəghəm soʼo way nə tə koʼ wi.


Helɔd â ngii duʼlənu ni koʼ Yeso təŋkey tə mâ zow ghəə ghey Yeso â ghəŋənə, sey, tə n ləghə ni koʼ wi, moʼlə kə nə̀ Yeso î ghəŋənu faalə n loʼ mə̀.


Ghə n beeli ndow wi, dza nə̀, “Wə khə ni bəghəm tə̀ Mûkəbii Yeso, sey wə i keeli ibəghəshi ghi ghə̂ ghey n ndaw zə adzəm.”


N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.


Ambə Pɔl tɔʼ tiilə dza ndow tə ghə nghee ghə̂ a khə ni loʼ tsətsəghə tii, zuŋu uwû, nsə nghee Zə̀ kə nə saʼanə ghə̂ ghə tii. Tsəŋ zə n kwu Feliks, tə n dza nə̀, “Khəə ndow nya, abə mə i ndzɔʼ keeli tsu nəŋə zə, Mə i kəm tɔŋɔ bə wɔ.”


Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.


Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.


N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.


N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?


Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.


Fə ghuŋ a dzuŋu ghə, nghee mə â tsəm ngii khə kənə zày ni tɔ̀ɔ bə tə ghaa nghee Zə̀ kə i dzəŋi bəghəshiənə saa adzəm tii, mə n koʼ tsu nə̀, i dzɔbənu tə mə ni tɔ̀ɔ bə tə ghaa, n dza bə tə̀ ghaa nə̀ ghaa təmi taw tsu n bəghəm i fə̀ŋ zən Zə̀ kə â fuu naŋanə tə ghə̂ a wi a zow ghə adzəm, ney nuu kəwɔɔ.


Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ