Kəfwaʼ 24:17 - Kaa n Kəzə̀ n fəghə mə

¹⁷ Nya, nghee n muu tsəghə tsu a bii n ndəmə tənum, mə n ndow bənə n Yerosalem, nə n bə fu igaamə tə naʼ zuŋ zə nsə ni fu umaʼlə tə Zə̀ kə.

Kəfwaʼ 24:17 ပူးပေါင်းရင်းမြစ်များ

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

Kəfwaʼ 20:31

Ney na ghə̂mə zə, ghaa i moʼlə tsu nghee tə n fəghə kɔʼ bənə tii nə tənum tətəghə n tsə tə nsə n tsuʼu tə nə̀ n tsəə kə ghaa.

Kəfwaʼ 21:26

Tsətsə wey, Pɔl n daŋŋə ney kɔʼ ghə̂ ghey, ghə n dzəŋi ndow sow maʼa tsu iwû tə laŋ kə diinə. Tə n daŋŋə ndow n ndaw Kəzə̀ n Yerosalem, ni ndow ghəŋə tsu nə ghə keeli tsu tsuʼu mey ghə khə ni doʼo kəŋə ndow nghee ghə sow maʼa tsu wû zə ni ndow kuum n tsuʼ fey ghə i fəələ maʼlə wə tii n tow kə kay wù.

Kəfwaʼ 24:26

Tə â moʼlə tənə n fə̀ŋ nə̀ Pɔl i ghaʼa dzəə fuu bə wi n khəə wə ni zuulə saʼ. Sey, tə n tsuŋŋə kə nya nuu tɔŋɔ tsu Pɔl, ghi wi n ghɔɔmə tsu aghəə.

Roma 15:31

Ghaa gɔŋŋə nə̀ Zə̀ kə bəghəshi mə n wɔɔ kə ghə̂ a Judeya ghən ghə khə way bəghəm i fə̀ŋ zə. Ghaa gɔŋŋə soʼo nə̀ ghə̂ a Kəzə̀ ghey fu, ghə i loʼ ni bəghəm fə wən n ndownə n ghii wə ni fuu tə ghə, ghə bəghəm soʼo fwaʼ kuŋ.

2 Kɔrint 8:6

À wey loʼ ghə i tii zə ghey â buʼ tsu wɔɔ kə n wɔ Taytus nə̀ nghee tə â bùʼ kaʼ tsu dzənə fwaʼ kə dzuŋu kən ni tsowwə ukhəə ghi ghaa, tə mayyə kɔʼ kənu.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

2 Kɔrint 9:12

Fwaʼ kə dzuŋu kən fuu tənə kə way gaamə zə tə̀ ghə̂ a Kəzə̀ ghə, kə ghəŋŋə soʼo nə̀ ndəmə aghə̂ i fuu kɔʼləmə tə̀ Zə̀ kə naʼ idzəm.

Galeshia 2:10

Ghə i loʼ kə imɔʼ ghə â dza nə̀, ghə â dza nə̀ ghey i moʼlə tsu kə ghə̂ a laa ghey ghə loʼ nə n fəŋŋə kə ghə. À n loʼ nə a bɔɔmə loʼ ghəə zey zə â loʼ nə n fə̀ŋ zuŋ ni ghəŋə.