Kəfwaʼ 23:30 - Kaa n Kəzə̀ n fəghə mə

³⁰ Nghee ghə bə tsɔŋ dza bənə tə mə nə̀ ghə n kad tsəm ni wey wi, mə n daŋŋə ney tûm bənə wi n səə wɔ. Mə n dza soʼo tə ghə̂ ghey ghə kwunə wi nə̀ ghə bə taŋŋə dza bə zuŋ key ghə kwunə wi tii tə̀ wɔ.”

Kəfwaʼ 23:30 ပူးပေါင်းရင်းမြစ်များ

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 23:12

Abə tsuʼ u zow tsunə, ghə̂ a Təjuu a loʼ tə n kad tsu tsəm, zə̂ kɔʼ nkaa nə ghə i zə̂ way fə kə, ghə i mə̂ soʼo way fə kə, nə ghə ka wey tsu dzə Pɔl.

Kəfwaʼ 23:20

Winətəghə wey n dza tə wi nə̀, “Ghə̂ a Təjuu ghə n bayyə naŋa nə̀ ghə dza bə tə wɔ nə̀ wə ney tsu bə Pɔl n ndaw tsə̂ tsətsə, nəŋŋə dza nə̀ ghə dza i tɔʼlə shi kɔʼ ghəə a loʼ ghə kuum wi.

Kəfwaʼ 23:31

Sawgoʼ tey n bɔɔmə dzûmə ndow laŋ wey ghə fuunə tə ghə. Ghə n ney kɔʼ Pɔl n tsuʼu tə, lɔʼlə ndow kùm ndow ghi wi n naʼ i Antipatris.

Kəfwaʼ 23:35

Tə n dza tə Pɔl nə̀, “Mə i zəllə kə saʼ zə abə ghə̂ ghey ghə kwunə wɔ i bənə.” Tə n daŋŋə tsəʼlə tsu kəlaŋ nə̀ sawgoʼ tə i keyyə tsu wi n tɔʼ zey Helɔd â bəghənə.

Kəfwaʼ 24:19

Ghə̂ a Təjuu a loʼ ghə, ghə â nuu bənə n mboʼo Eshya â tsəm loʼnu fu. Wû i ghə, ghə mə khə ni loʼ fa n sə̂ kə, ghə kwu bə mə abə a kpaʼi loʼ nə̀ mə â ghəŋə bəəbənu ghə i loʼ zə.

Kəfwaʼ 25:16

Mə n dza ndow tə ghə nə̀, laŋ kə Rom kə ka bəghəm dzə nə̀ wə dza nə̀ wù n bwu saʼ nə ighəə nə̀ tə ka ghɔɔmə ballə dzə ghi wù wey tə kwunə wi n ghə i tii zə. Ghə way soʼo ni dza nə̀ wù n bwu saʼ nə̀ wù tii ka tiilə dza bə dzə nə̀ ghəə zey ghə kwɔɔnə wi tii loʼ ghəə a badla ghə.

Kəfwaʼ 9:24

Wù loʼ n kee bə tsɔŋ dza tsu tsəm zey ghə mə kad naŋanə tə Sɔl. Tsuʼu n dzəm, n tsə tə nsə n tsuʼu tə, ghə̂ a Təjuu ghə n keyyə bweeli tsə n fuʼ u mbàa wə inaʼ ni wey wi.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.