Kəfwaʼ 23:11 - Kaa n Kəzə̀ n fəghə mə

¹¹ N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Kəfwaʼ 23:11 ပူးပေါင်းရင်းမြစ်များ

Matyo 14:27

Yeso n daŋŋə ghɔɔmə ndòw tə̀ ghə dza nə̀, “Kwu tsu na fə̀ŋ tə ghaa tə, a loʼ mə, kə̂ ghaa nə̂ tsəŋənə.”

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Matyo 9:2

Ambə ghə bənə fu, ghə̂ a loʼ ghə n boʼo bə ghi wù loʼ, wû wi u kpuu doʼonə nə kəmbùŋ. Ambə Yeso kòʼ tsunə nə ghə̂ ghey ngii gaʼ fə̀ŋ n kow wi, tə̂ n dza tə̀ wù wey wû u wi wə â kpuu doʼonə nə̀, “Kuu tsu fə̀ŋ zə, n waa, mə n neyzəə ghəə ghə a bəbə ghə adzəm.”

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Tùm i dzuŋu zə kuum Yeso Klisto tə Jɔn â tɔɔnə 14:18

N way ni naŋa taʼa ghaa tə̀ a loʼ waa a chi. Mə i bəghə dzəŋŋənu n səə ghaa.

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 18:9

N tsuʼ fə loʼ fə n tsuʼu tə, Mûkəbii n bə dii may bə tə̀ Pɔl nə ujim, dza tə wi nə̀, “Ka fə kə loʼ kə tsəŋ dzə, ndow kə n sə kə ni ghɔɔmə ghəə ghə, kə wə nə tsəŋə doʼlənə mɔŋ.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 2:25

Fɔ̀ɔ Devid mâ ghɔɔmə bòʼ wi nə̀, ‘N koʼonu Mûkəbii, tə loʼ ghi mə nəŋə tədzəm, Fə kə loʼ kə way ni mɔm mə n təŋkey tə loʼ tən n səə mə.

Kəfwaʼ 20:22

N nya khə kə ni ndow n Yerosalem tə Zay kə Zow kə diinə, n khə way fə key kə i shiənə fu n kow mə.

Kəfwaʼ 22:15

À loʼ wɔ wə i doʼlənə təmi tiilə ə wi, wə i dza tə ghə̂ ghə adzəm ghəə ghey wə koʼnə nsə a ghey wə zownə.

Kəfwaʼ 22:18

Nghee tə sə a vəi kɔʼnə mə sey, mə n koʼ ndow Mûkəbii tə dza bənə tə mə nə̀, ‘Mbad ghəŋə ndow wə zəghə tsu Yerosalem, n təŋkey, ghə̂ ghən fa i bəghəm way ghəə zey wə dzanə bòʼ mə.’

1 Kɔrint 9:1

Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

Filipi 1:13

Sey, təsawgoʼ tə tədzəm n tɔʼ n naʼ i Roma nsə ghə̂ ghən adzəm fa, ghə khənu nə n loʼ n ndaw tsaʼ boʼnə n loʼ wù kəfwaʼ a Klisto.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.