Kəfwaʼ 22:25 - Kaa n Kəzə̀ n fəghə mə

²⁵ Ambə ghə kwu kow tsu wi nə ubaʼ, Pɔl n nuu bəb kɔʼ tə wù nii təsawgoʼ wey tə â tey fu nə̀, “Laŋ kə bəghəmnu nə ghaa bwɔd wù Rom nə ghaa ka wi saʼ tsu dzə isə ni koʼ nə̀ tə ghəŋə bəəbənu ghə i loʼ zə ə?”

Kəfwaʼ 22:25 ပူးပေါင်းရင်းမြစ်များ

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Matyo 8:8

Wù nii u təsawgoʼ wey n dza tə̀ wi nə̀, “Mûkəbii, n ka kɔʼ kpii dzə tə̀ wɔ ni bə n ndaw zuŋ, maŋa tsəʼlə tsu kə laŋ kə, wù kəfwaʼ wuŋ i taw kɔʼ.

Kəfwaʼ 10:1

Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 16:37

Pɔl n fəd dza ndòw tə̀ wi nə̀, “Ghə n ghey bwɔd n sə̂ kə aghə̂ nə̀ ghə ka ghey saʼ, loʼ sey nə̀ ghey mgbaŋ loʼ ghə̂ a Roma. Ghə u ney fii naŋa ndownə ghey n ndaw tsaʼ. Ghə u dzanə nya nə̀ ghə tsɔŋ chi zəghə ghey. Ngaŋ! Ghey shiə way, ndow dza ndow na tə̀ ghə nə̀ ghə bə n wû i ghə zə, ghə bə chi zəghə ghey.”

Kəfwaʼ 22:26

Ambə wù nii təsawgoʼ wey zow tsu ghəə ghey, tə n ndow koʼ ndow tow kə təsawgoʼ wey, dza tə wi nə̀, “Wə nya dza i ghəŋə ghəə i ghaa zə ə? Wù wən loʼ wù Rom!”

Kəfwaʼ 23:17

Pɔl n daŋŋə tɔŋɔ tsu wù nii təsawgoʼ umɔʼ, dza tə wi nə̀, “Ney kɔʼ ndow winətəghə wən n səə tow kə təsawgoʼ, tə khə ghə i loʼ zə ni dza tə wi.”

Kəfwaʼ 23:27

Ngəd tə Təjuu tə â kwu kɔʼ wù wən, ghə n bayyə naŋa may tsu aghəə ni wey wi. Nghee n keeli shi kɔʼ nə̀ a loʼ wù Rom, mə n ney kɔʼ təsawgoʼ, ndow bəghəshi tsu wi n wɔ ghə.

Kəfwaʼ 25:16

Mə n dza ndow tə ghə nə̀, laŋ kə Rom kə ka bəghəm dzə nə̀ wə dza nə̀ wù n bwu saʼ nə ighəə nə̀ tə ka ghɔɔmə ballə dzə ghi wù wey tə kwunə wi n ghə i tii zə. Ghə way soʼo ni dza nə̀ wù n bwu saʼ nə̀ wù tii ka tiilə dza bə dzə nə̀ ghəə zey ghə kwɔɔnə wi tii loʼ ghəə a badla ghə.

Kəfwaʼ 27:1

Ambə ghə bəghəm dzəŋi kɔʼ nə̀ ghey ndow n Itali, ghə n ney kɔʼ Pɔl ghi ghə̂ a ndaw tsaʼ a loʼ ghə, fuu tsu tə wù nii təsawgoʼ wən ghə â tɔŋŋə nə̀ a loʼ Juliɔs. Wù wən â loʼ wù n saʼ kə sawgoʼ tey ghə tɔŋŋə nə̀ a loʼ, “Saʼ kə təsawgoʼ tə də̀ŋ kə Rom.”

Kəfwaʼ 27:3

Tsətsə wey, ghey n nyi ndow n Sidɔn. Juliɔs n dii Pɔl n fə̀ŋ i dzuŋu zə, zəghə soʼo wi nə̀ tə ndow koʼ fə a wi tə ghə fuu wi n gaamə zə n fə wey tə laʼanə.

Kəfwaʼ 27:43

Wù nii təsawgoʼ wey n kee ləghə ni bəghəshi Pɔl, sey, tə n ka bəghəm nə̀ sawgoʼ tey ghəŋə ghəə zey ghə mə kad naŋanə. Tə n dza tsu nə̀ ghə̂ ghey ghə loʼ ni təghə n dzùu, ghə taalə nuu shi ndow nə kəfən isə̂, ghə təghə daŋ ndow n nguŋ ə dzùu.