Kəfwaʼ 21:39 - Kaa n Kəzə̀ n fəghə mə

³⁹ Pɔl n beeli ndow wi nə̀, “N loʼ wù Juu. Ghə ji n Tasus n mboʼ ə Silishya. N shi n naʼ i nii zə. N buʼ fu wɔ n wɔɔ kə, zəghə mə tə n ghɔɔmə ndow tə ghə̂ ghən.”

Kəfwaʼ 21:39 ပူးပေါင်းရင်းမြစ်များ

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 16:37

Pɔl n fəd dza ndòw tə̀ wi nə̀, “Ghə n ghey bwɔd n sə̂ kə aghə̂ nə̀ ghə ka ghey saʼ, loʼ sey nə̀ ghey mgbaŋ loʼ ghə̂ a Roma. Ghə u ney fii naŋa ndownə ghey n ndaw tsaʼ. Ghə u dzanə nya nə̀ ghə tsɔŋ chi zəghə ghey. Ngaŋ! Ghey shiə way, ndow dza ndow na tə̀ ghə nə̀ ghə bə n wû i ghə zə, ghə bə chi zəghə ghey.”

Kəfwaʼ 21:37

Ambə ghə dza i naŋa nyi ndow Pɔl nə kəbali, tə n bəb tsu tə wù nii təsawgoʼ wey nə̀, “N loʼnu ni dza ghə i loʼ zə tə wɔ ə?” Wù nii təsawgoʼ wey n bəb tə wi nə̀, “Wə khənu ni ghɔɔmə ghɔɔmə i Grik ə?

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 23:27

Ngəd tə Təjuu tə â kwu kɔʼ wù wən, ghə n bayyə naŋa may tsu aghəə ni wey wi. Nghee n keeli shi kɔʼ nə̀ a loʼ wù Rom, mə n ney kɔʼ təsawgoʼ, ndow bəghəshi tsu wi n wɔ ghə.

Kəfwaʼ 23:34

Ambə gɔvənɔ tɔŋɔ kɔʼ màʼlə kə tii kə, tə n bəb tə Pɔl nə tə shi n mboʼ i ghaa zə. Pɔl n beeli ndow nə̀ i shi n mboʼo Silishya.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 9:11

Mûkəbii n dza tə wi nə̀, “Bayyə kɔʼ wû wə, wə ndow n ndaw Judas tə muunə n bad kə inaʼ kən ghə tɔŋŋə nə̀ a loʼ Jìi Tsətsəghə, wə bəb tsu wù loʼ tə nuu bə n Tasus ghə tɔŋŋə nə̀ a loʼ Sɔl, tə gɔŋŋənu nyisa.

Kəfwaʼ 9:30

Ambə dzûmə tə Klisto tə zow tsu ghəə ghən, ghə n ney ndow Sɔl n Kayserya, tûm nuu ndow wi n Tasus.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.