Kəfwaʼ 21:31 - Kaa n Kəzə̀ n fəghə mə

³¹ Nghee ghə dəmə kaabə ni wey wi, zə ndow nyi ndow n tuŋŋə kə wù nii wey tə â loʼ tow kə n saʼ kə təsawgoʼ kə Roma kə nə̀, Yerosalem idzəm i tey nə ifuu.

Kəfwaʼ 21:31 ပူးပေါင်းရင်းမြစ်များ

Matyo 26:5

Ghə n dza, “Saa kee way ni kwu wi n nəŋə zey zə̂ kə loʼnə tii n təŋkey, ghə̂ ghə i sənnə, ghə kaʼ kɔʼ kəngəd.”

Matyo 27:27

Sey sawgoʼ tə n ney kɔʼ Yeso n bii kə Pilato, saʼ kə təsawgoʼ key fu kədzəm n dzəŋi dzəŋ tsəghə kɔʼ wi.

Malakus 14:2

Ghə n dza n wû i ghə nə̀, “Saa way ni kwu dzə wi n nəŋə i kəzə̂, n təŋkey, ghə̂ a loʼ ni kaʼ kɔʼ ni zuu ballə saa.”

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 18:12

Tow kə sàʼ kə təsawgoʼ nsə sawgoʼ tə wi tə ghi bwoli tə ghə̂ a Təjuu tey n daŋŋə kwu kow tsu Yeso.

Kəfwaʼ 10:1

Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 19:40

Nghee tə i loʼnə nya, ghə loʼ ni bən kwu saa na nə̀ saa soʼo uchɔd bòʼ ghəə ghən a shinə na. Abə ghə kwu kɔʼnə saa, saa i bwunu saʼ n tənkey zuŋ kə ighəə kə way n ghəə ghən saa dəmənə fa tii.”

Kəfwaʼ 21:38

A way wɔ wù Ijip wey tə â soʼ kɔʼ chɔd wə, ney nuu soʼ ndow ghi ghə̂ a weyyə ghə aghə̂ ghə təkam təkaykə n mbvən ə ntsaŋ ə?”

Kəfwaʼ 22:22

Ghə̂ a tii ghə n ndzɔʼ zəllə kə ghɔɔmə i Pɔl sa, kɔʼ kuum tsu n luʼu kən tə bə dza tsunə nə̀ Mûkəbii tûm wi nə̀ tə ndow naʼa tûm tə ghə̂ ghey ghə way ghə̂ a Təjuu ghə. Ghə n nuu taw shi kɔʼ fu n dzə tə nə̀, “Ney nuu nyam fəkaʼ wən! Wey maʼa n na wi n ghəlitsə kən! Ndzoʼo wù wən khə way ni loʼ utaw!”

Kəfwaʼ 23:17

Pɔl n daŋŋə tɔŋɔ tsu wù nii təsawgoʼ umɔʼ, dza tə wi nə̀, “Ney kɔʼ ndow winətəghə wən n səə tow kə təsawgoʼ, tə khə ghə i loʼ zə ni dza tə wi.”

Kəfwaʼ 24:22

Feliks n kee loʼ nə tə tɔʼ khə soʼonu ghəə a Jìi zey i loʼnə i Mûkəbii zə, tə n tən naŋa ndow saʼ a tii isə, dza tə ghə nə̀, “Abə Lishyas, tow kə sàʼ kə təsawgoʼ wey i tsu bənə, mə i ndow n sə kə ni saʼ saʼ a ghaa.”

Kəfwaʼ 24:6

Tə â buʼu kəŋə soʼo jii ni dzəələ maʼa ndaw Kəzə̀ n Yerosalem, ghey n kwu nuu kɔʼ wi.

Kəfwaʼ 24:7

[Ghey â khənu ni saʼ wi tə laŋ kə ghey kə diinə. Tow kə təsawgoʼ wey ghə tɔŋɔ wi nə a loʼ Lishyas n kee bə bəkeeli nuu kɔʼ wi nə kədaʼa n wɔ ghey, dza nə̀ ghə̂ ghey ghə kwunə wi, ghə bə n səə wɔ.]

Kəfwaʼ 25:23

Tsətsə wey, Agripa ghi Benis n ndow bə, ghə̂ ghə n ngii fu wi n kɔʼlə mə nə uzɔŋ. Tə n tsəghə nyi ndow n zeeli kə tɔʼ ghi sawgoʼ tə nii tə nsə ngəd tə inaʼ tey tə â bə dzəŋinə ghi wi. Festus n daŋŋə dza tsu nə̀ ghə ney bə Pɔl, ghə n ney bə wi.

Kəfwaʼ 26:21

À wən loʼ zuŋ key ghə̂ a Təjuu ghən â kwu tsunə mə n ndaw Kəzə̀ n Yerosalem, ləghə ni wey mə.