Kəfwaʼ 21:27 - Kaa n Kəzə̀ n fəghə mə

²⁷ Ambə tsuʼu mə ikhəmə mən nsəghəmbəghə may kəŋŋə bənə, ghə̂ a Təjuu a loʼ ghə ghə â nuu bənə n Eshya, n koʼ tsu Pɔl n dzəŋi kə ndaw Kəzə̀ n Yerosalem. Ghə n təəbə ghə̂ ghey fu adzəm, ghə n nuu baʼlə kwu kɔʼ Pɔl.

Kəfwaʼ 21:27 ပူးပေါင်းရင်းမြစ်များ

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 16:6

Ambə Zay kə Zow kə tuu tsu nə̀ ghə ka naʼa ghɔɔmə i Kəzə̀ zə n mboʼo Eshya, ghə n tsəghə daŋŋə ndow jii n mboʼo Frigya nsə n Galeshya.

Kəfwaʼ 17:13

Ambə ghə̀ a Təjuu ghey n Tesalonika zow tsu nə̀ Pɔl naʼlə ghɔɔmə i Kəzə̀ n Beria, ghə a loʼ ghə n ndow soʼo fu, təəbə tsu aghə̂, teyyə naŋa kɔʼ naʼ i tii zə nə ifuu.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 2:9

Saa a loʼ a nuu bə n Patya, a loʼ ghə n Midya nsə n Elam. Saa a loʼ ghə a nuu bə nə n bad u Mesopotemya, a loʼ ghə n Judeya, a loʼ ghə n Kapadoshya, a loʼ ghə Pontus nsə n Eshya.

Kəfwaʼ 20:19

Ghaa a mgbaŋ khə nghee tə n fwaʼ kɔʼ bənə tii tə̀ Mûkəbii ə saa nə n kɔʼlə way wû wə, mə n fwaʼ soʼo n sə̂ mə nə asə̂ n nəŋə zey mə â keelinə chɔd wə bòʼ ghə̂ a Təjuu a loʼ ghə, ghə â bii kaabə tsənə mə.

Kəfwaʼ 24:11

I taw way tə wɔ ni kəŋ keeli shi kɔʼ nə̀ tsuʼu n ka kam tsəghə dzə ighəm n ghi mə n bəghə tə̀ mə â kɔʼnə n Yerosalem ni ndow fuu nkɔʼlə tə Zə̀ kə.

Kəfwaʼ 24:18

Ghə̂ a Təjuu ghən â bə koʼ bə mə nə̀ ghəŋŋə ghəə ghən n bii kə ndaw Kəzə̀, nə̀ mə n mayyə ni sow maʼa wû wuŋ tə laŋ kə diinə nə̀ mə i zow. Nɔɔ kə aghə̂ kə â way dzə ghi mə, mə n ka soʼ soʼo kəngəd.

Kəfwaʼ 26:21

À wən loʼ zuŋ key ghə̂ a Təjuu ghən â kwu tsunə mə n ndaw Kəzə̀ n Yerosalem, ləghə ni wey mə.

Kəfwaʼ 4:3

Ghə n kwu kɔʼ Pita ghi Jɔn, fii naŋa ndow ghə n ndaw tsaʼ ni saʼ ghə tsətsə wey n təŋkey â loʼ n nəŋə i fənə tə.

Kəfwaʼ 5:18

Ghə n kwu kɔʼ ngəd tə Yeso, fii naŋa ndow ghə n ndaw tsaʼ.

Kəfwaʼ 6:12

Ghə̂ ghən n sɔʼlə kɔʼ bə aghə̂, sɔʼlə kɔʼ soʼo ngəd tə inaʼ nsə ghə̂ a dii a kəlaŋ ghə. Ghə n daŋŋə bə kwu kɔʼ Sətifən, ney ndow wi n ndaw tsə.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

1 Tesalonika 2:16

Ghə ndeemi iwû ni buu naŋa ghey nə̀ kə̂ ghey nə̂ naʼlənə ghɔɔmə i Kəzə̀ zə tə̀ ghə̂ ghən ghə way ghə̂ a Təjuu ghə, nə̀ ghə mbɔŋ keeli ibəghəshi. Ghə n sey zuŋŋə naŋa kɔʼ bə ghəə a bəbə ghə, sey, ngoʼ ə Kəzə̀ n bə n kow ghə.