Kəfwaʼ 20:35 - Kaa n Kəzə̀ n fəghə mə

³⁵ N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

Kəfwaʼ 20:35 ပူးပေါင်းရင်းမြစ်များ

Matyo 10:8

I baŋŋə ndòw na ghə̂ a dzaŋa ghə, zhəm dzəŋŋə bə ghə̂ a kpuu ghə nə ivə, baŋŋə ndòw ghə̂ ghə ukə̀m, dzum shiə soʼo zay u bəbə wə n kow aghə̂. Mə n fuu ghaa n daʼa kə kənunu, fuu shi ndòw soʼo na nə kənunu.

Kəfwaʼ 20:20

Ghaa khənu nə̀ mə â ka səm koʼ tsə ni tsə̀ ghaa n ghəə zey i khə ni gaamə ghaa nghee mə â dii tsə ghaa n sə kə aghə̂ nsə n ndaw tə ghaa.

Kəfwaʼ 20:27

N təŋkey mə â ka səm koʼ tsə ni dza tə ghaa ghəə ghən adzəm Zə̀ kə ləghə nə̀ ghaa keeli.

Kəfwaʼ 20:34

Wû i ghaa, ghaa khənu nə̀ mə â fwaʼ tsu n wɔɔ ghuŋ ghən ni keeli fə wən mə ghi ghə̂ ghən adzəm mə â loʼ dzəŋinə ghi ghə â ləghənə.

Kəfwaʼ 20:36

Ambə Pɔl khəə tsunə sey, tə n tsu nyaʼa tsu ghi ghə̂ ghey adzəm, ghə n gɔŋŋə tsu.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

1 Kɔrint 9:12

Abə i kpiinə tə ghə̂ a loʼ ghə ni keeli igaamə n wɔ ghaa, ghaa moʼlə nə̀ i ka kpii tə̀ ghey ni mbɔŋ keeli igaamə n wɔ ghaa buʼ tsəghəshi ghə̂ a loʼ ghey ə? Ghey a ka kee dəm dzə ni teeli ney fə wey wə â kpiinə tə̀ ghey ni ney n wɔ ghaa nghee â tsəm loʼ kənə buʼ kə ghey kə ni ney. Ghey â fəd bəghəm ni fəghə n nəŋə ghey sey nə̀ kə ghey nə təʼlə maʼanə tûm i dzuŋu zən ghey naʼlənə kuum Klisto.

2 Kɔrint 11:12

Mə i tsəghə ndòw kə n sə̂ kə ni fwaʼa fwaʼ key n fwaʼanə, sey nə̀ kə n nə̂ fuunə bùʼ kə tə̀ ghə̂ ghey ghə ləghənə ni baalə kɔʼ bə ghi ghey, ghaŋŋə iwû nə̀ ghə fwaʼa soʼo tə̀ a loʼ ghey.

2 Kɔrint 11:9

Nghee tə̀ mə̂ â loʼnə ghi ghaa, mə â fəmmə way ghaa abə n laʼanə fə kə. Waazə a saa ghey ghə â nuu bənə n Masedonya, ghə â bə mə̀ n fə wə udzəm. Sey nghee tə̀ mə â doʼonə nə̀ n fəmmə way ghaa, mə̀ î fəmmə koʼ way ghaa n ghə i loʼ zə.

2 Kɔrint 12:13

À baa loʼ ghə i ghaa zə̀ n ghəŋənə tə̀ dzəŋi u dzûmə tə Klisto tə loʼ tey nə̀ n ka ghəŋə fey nə ghaa tsəghəshiə way nə̀ n ka bəb ghaa n gaamə i loʼ zə ə? Neyzəə na mə n bəb i tii zə!

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

1 Tesalonika 4:11

Zoʼlə tsu na ni muu zuŋ kə imuu. Kə ghaa nə̂ kuunə dzuu i ghaa zə n ghəə zey i laalə way ghaa. Ghaa khə ni fwaʼa n wɔ a ghaa ghə ni keeli fə̂ kə zəə kə tə̀ ghey dzanə tə̀ ghaa.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Hibru 13:3

Ghaa i moʼlə tsu ghə̂ ghən ghə fìi naŋanə ghə n ndaw tsaʼ tə̀ a i dza ghaa dzəŋi loʼ n ndaw tsaʼ a tii ghi ghə. I moʼlə tsuu n na ghə̂ ghən ghə chɔdlɔnə ghə tə̀ a i dza ghaa zow soʼo fɔɔbə zey ghə zownə n gow uwû.

3 Jɔn 1:7

Boʼnə à loʼ n zəd i Klisto ghə â bwey fwaʼanə fwaʼ kən, nə ghə ney way fə kə n wɔ ghə̂ ghən ghə bəghəm way tə̀ Klisto