Kəfwaʼ 20:30 - Kaa n Kəzə̀ n fəghə mə

³⁰ Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.

Kəfwaʼ 20:30 ပူးပေါင်းရင်းမြစ်များ

Matyo 23:15

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə təŋkey, ghaa loʼ ghə nəb ityim. Ghaa daŋa kɔʼɔ tədzuu nsə naʼa tə ni ndòw kweyyə kɔʼ wù umɔʼ nə̀ tə bəghəm tə̀ Zə̀ kə. Ambə tə bəghəm kɔʼnə tə̀ Zə̀ kə, ghaa n kəm ghəŋə tsu wi, tə n fəd kpii ni ndow n luʼu key ghə chɔdlɔnə ghə̂ ghə a tii tsəghəshi wû i ghaa.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 21:38

A way wɔ wù Ijip wey tə â soʼ kɔʼ chɔd wə, ney nuu soʼ ndow ghi ghə̂ a weyyə ghə aghə̂ ghə təkam təkaykə n mbvən ə ntsaŋ ə?”

2 Kɔrint 11:13

N dza sey n təŋkey, ndzoʼo ghə̂ ghən loʼ ngəd tə tsɔŋɔ tə, ghə badla aghəə n fwaʼ kə ghə, nəbə sə̂ aghə̂ nə̀ ghə loʼ ngəd tə Klisto tə səŋi tə.

1 Timoti 5:13

I loʼ soʼo nə̀ ghey a kpusə a fəghaŋ ghən i zoʼlə naŋa kɔʼ mwam u lay wə, ni maŋa bwey kaabə tsə n ndaw tə ghə̂. Ghə n maŋa khə̀ə kaabə tsə təfəghəm, khə̀ə ghəə ghey ghə mə khə way ni khə̀ə, nyiə nə aghəə nə̀ a khə way ghə i loʼ zə ni ghəŋə ghi wi, khə̀ə kaabə tsə soʼo aghəə nə̀ a way isəŋə.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Chi dii 2:6

Wə kee khənu ghə i dzuŋu i loʼ zə wə ghəŋŋənə. Wə baa ghəə ghey dzûmə tə Nikolus tə ghəŋŋənə, ighələ tə n baa soʼonə.