Kəfwaʼ 20:28 - Kaa n Kəzə̀ n fəghə mə

²⁸ I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Kəfwaʼ 20:28 ပူးပေါင်းရင်းမြစ်များ

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 2:6

‘Abə wɔ a naʼ i Betelehem zə, n ghəlitsə kə Juda, Wə̀ ndɔm way dzə nyaŋi fə inaʼ n naʼa tən fa n mboʼo Juda, Bòʼ nə̀ à i lòʼ fa, Də̀ŋ key kə î laalənə tə̀ ghə̂ ghuŋ ghə adzəm, tɔŋŋə ghə̂ ghə Izree î shiə bənə.’”

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

Kəfwaʼ 20:29

N khənu nə̀ abə mə i zəghə tsunə ghaa, ghə̂ a loʼ ghə i bəghənu tə a loʼ ubəghə, ghə bə saʼa maʼa tsu ghaa.

Roma 16:16

Ghaa tɔŋɔ zow ndow wû i ghaa n ləghə i dzûmə tə Klisto. Dzəŋi u dzûmə tə Klisto udzəm u tûm bə itɔŋɔzow tə̀ ghaa.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 11:22

Ghaa way ni doʼo n ndaw tə ghaa, ghaa i zə̂ə, mə̂ə soʼo fu ə? Nkee ghaa maŋ ləghə kə ni koʼ kìi dzəŋi kə ghə̂ a Kəzə̀, ghaa i lənnə ghə̂ ghən ghə loʼ nə̀ ghə khə way fə kə̂ ə? Ghaa moʼlə nə̀ à wən loʼ ghəə ghən n loʼ ni kaali bə ghaa tii ə? Ngaŋ, n tsəm way ni kali ghaa nə i zən.

1 Kɔrint 15:9

N dza sey n təŋkey, n loʼ tə a loʼ winətəghə n fəŋŋə kə ngəd tə Klisto tədzəm. N nam ngii nəʼlənu ni doʼo ngəd n fəŋŋə kə ngəd tə Klisto n təŋkey mə â chɔdlɔ tsə ghə̂ ghey ghə bəghəmnə tə̀ Zə̀ kə.

1 Kɔrint 6:20

Zə̀ kə mâ kùmshi tow u ghaa wə n wən i taw zə. Sey, ghaa khə ni ney naŋa tsu vən fə uwû fə ghaa ni kɔʼlə Zə̀ kə a tii.

Galeshia 1:13

Wû i ghaa, ghaa mâ zow ndzoʼo muu zey mə â muu nə ghii zə n nəŋə zey mə â bəghəm nə tə ghəə a Kəzə̀ a ghə̂ a Təjuu ghə. Ghaa mâ zow jìi zey mə â chɔdlɔnə ghə̂ a dzəŋi kə dzûmə tə Klisto ghə a tii nə̀ mə n sə̂ a kəmə naŋa tən, ləghə ni mayyə ghə.

Efesus 1:14

Zə̀ kə fuu saa n Zay kə Zow kə tə̀ a loʼ tsəə nə saa i keelinu naamə key nsə bəghəshi zey Zə̀ kə təb naŋanə, sey nə̀, saa i kɔʼlə wi bòʼ ghaʼ i wi.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Kolose 1:14

Tə u kùmshinə saa, neyzəə soʼo bəb i saa n bam i Waa wi.

Kolose 4:17

Dza ndow na tə Achipus nə tə dəm tsu ni mayyə fwaʼ kən Mûkəbii fuu naŋanə tə wi nə tə fwaʼ.

1 Timoti 3:1

Ghəə ghən ghə dzanə loʼ isəŋə nə̀, wù wey tə ləghə ni doʼo kətow tə dzûmə tə Klisto tə, tə ləghə ni fwaʼa fwaʼ kə dzuŋu kə.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 3:5

I loʼ sey n təŋkey abə wù way ni kwu keeli ndaw wi, tə i loʼ ngee ni kwu keeli ghə̂ a Kəzə̀ ə?

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

Taytus 1:7

Nghee i loʼ nə̀ wù wey tə loʼnə tow kə n dzəŋi kə dzûmə tə Klisto kə, à laalə wi fwaʼ K-a-zə̀ kə, tə khə ni loʼ nə̀ tə khə way bwu i loʼ zə n ghəə a wi a ghəŋŋə ghə. Tə khə way ni kaŋŋə ghɔɔmə, khə way mbow fə, məə khəə way nlə mə, kəŋə way chɔd wə, shiə soʼo way n sə ghə nə ukhəə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

1 Pita 2:25

I loʼ sey n təŋkey, ghaa â loʼ tsə tə a loʼ tənjì tə laʼa nay ndownə, a kee bə nya ghə n ghaa ney dzəŋŋə bə nə̀ ghaa i dzûmə ndow wù baʼa u tənjì wə nsə wù wən tə laalənə fə̀ŋ tə ghaa tə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.