Kəfwaʼ 20:27 - Kaa n Kəzə̀ n fəghə mə

²⁷ N təŋkey mə â ka səm koʼ tsə ni dza tə ghaa ghəə ghən adzəm Zə̀ kə ləghə nə̀ ghaa keeli.

Kəfwaʼ 20:27 ပူးပေါင်းရင်းမြစ်များ

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Lukas 7:30

Ghə̂ a tə Falasi nsə ghə̂ a dii ghə ulaŋ ghə n tuu maʼa saʼ i Kəzə̀ zə n wû i ghə nghee ghə â ka ney dzə mmuu n Kəzə̀ n wɔ Jɔn.

Tùm i dzuŋu zə kuum Yeso Klisto tə Jɔn â tɔɔnə 15:15

Ni kaʼ tsu na ndow n sə kə, n kəm way ni tɔŋɔ ghaa nə̀ a loʼ ghə̂ a kəfwaʼ, n təŋkey, wù kəfwaʼ khə way fə key mûkəbii ə wi fwaʼanə. N kee tɔŋŋə ghaa nya nə̀ a loʼ fə̂ ghuŋ, n təŋkey, mə n chi dii may ghəə ghey mə â zoʼlə ney bənə n wɔ Bày wuŋ tə̀ ghaa.

Kəfwaʼ 13:36

Ghɔɔmə zən way dzə bòʼ fɔ̀ɔ Devid, n təŋkey, fɔ̀ɔ Devid mâ fwaʼ fwàʼ key Zə̀ kə a ləghə nə̀ tə fwaʼ n num tə wi. Ambə tə bə kpu tsunə, ghə tsəllə ndow wi ghi ghə bày a wi ghə, vən i wi i mâ fway nə isay.

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 20:20

Ghaa khənu nə̀ mə â ka səm koʼ tsə ni tsə̀ ghaa n ghəə zey i khə ni gaamə ghaa nghee mə â dii tsə ghaa n sə kə aghə̂ nsə n ndaw tə ghaa.

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

1 Kɔrint 11:23

N dza i dza bə tə̀ ghaa nə̀, ghəə ghən n dza bənə tə̀ ghaa, à loʼ ghəə ghey Mûkəbii â dza bənə tə̀ mə n wû u wi wə. I loʼ nə̀, n tsuʼ fey ghə â fìi fuunə Mûkəbii Yeso tii, n tsuʼu tə tii tə, Yeso n ney kɔʼ boʼo fə baa,

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

Galeshia 4:16

À loʼ nə̀ n nya kəm doʼo bə wù ngəmə ghi ghaa nghee n dza bə isəŋə tə ghaa a?

Efesus 1:11

À loʼ nghee saa loʼnə nə kəfə kəmɔʼ ghi Klisto, Zə̀ kə say soʼonə saa nə̀ saa keeli naamə key tə â naʼa naŋanə. Tə n bɔɔmə fwaʼ kɔʼ bə aghəə adzəm tə̀ tə â moʼlə naŋanə ni fwaʼ, tə n bayyə naŋa i tsu.

1 Tesalonika 2:4

Ghey ghɔɔmə tə ghaa tə̀ a loʼ ghə̂ ghey ghə kɔʼ kpiinə tə̀ Zə̀ kə ni fuu naŋa tûm wi i dzuŋu zə n wɔɔ kə ghə. Ghey ghɔɔmə dzə way nə̀ ghə̂ ghə i duʼlə ghi ghey. Ghey ghɔɔmə nə̀ Zə̀ kə i duʼlə ghi ghey n tənkey à loʼ wi tə saʼanə fə̀ŋ tə ghey tə.