Kəfwaʼ 20:24 - Kaa n Kəzə̀ n fəghə mə

²⁴ N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 20:24 ပူးပေါင်းရင်းမြစ်များ

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Tùm i dzuŋu zə kuum Yeso Klisto tə Jɔn â tɔɔnə 15:27

Wû i ghaa, ghaa khə ni tiilə dza soʼo, bòʼ nə̀, ghaa â dzəŋi loʼ ghi mə nghee mə â kaʼ tsunə fwaʼ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 17:4

Mə n ghəŋə nə̀ wə keeli nkɔʼlə fa n mbi, n təŋkey, mə n mayyə fwaʼ key wə â fuu nə̀ n fwaʼ fa n ghəlikətsə.

Kəfwaʼ 1:17

Judas â loʼ dzəŋi ghi ghey fwaʼa soʼo fwaʼ kən ghey fwaʼanə tə Yeso.”

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 13:25

Ambə Jɔn dza i bə mayyə fwaʼ kə wi, tə n bəb ndow tə ghə̂ ghə nə̀, ‘Ghaa moʼlə nə̀ n loʼ ndee? N way dzə wù wən ghaa ləmmənə. Wù tii kee nam bəghənu, n ka buʼ kɔʼ kpii dzə ni zii baʼ u təgow u wi.’

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Kəfwaʼ 21:13

Pɔl n dza tə ghə nə̀, “Ghaa sey jiə ngee? Ghaa baŋŋə fə̀ŋ zuŋ nə idey ə? Mə n tsəm bəghəm nə ghə kwu kow naŋa mə, ghə buʼ wey daŋŋə mə n Yerosalem bòʼ Mûkəbii Yeso.”

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Roma 11:6

Zə̀ kə sày ghə n ndzuŋ ə wi, à way dzə nə̀ à loʼ ghə i loʼ zə ghə ghəŋə tsunə, n təŋkey abə à mə loʼ bòʼ ghə i loʼ zə ghə ghəŋə tsunə, tə ndzuŋ ə Kəzə̀ ə tii mə way dzə ndzuŋ i loʼ zə.

Roma 4:4

Abə wù fwaʼ tsunə, ghə n tsə tsu wi. Fə key ghə tsəənə wi tii, ghə ney dzə way nə̀ a loʼ kənaamə, a fəd loʼ fə key tə fwaʼ tsunə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 4:12

Sey ghey sa koʼo ivə nə̀ ghaa keeli imuu.

2 Kɔrint 5:8

Ghey tɔʼ khənu, buʼu ləghə soʼo ni zəghə maʼa vən fə uwû fən, tə̀ ghey doʼo ndòw ghi Mûkəbii.

2 Kɔrint 7:4

N gaʼ fə̀ŋ n kow ghaa, mə u tsɔbənə fə̀ŋ bòʼ ghaa. Sey n chɔd n saa mən a keelinə n dzəm, fə̀ŋ zuŋ a nam kaynə, duʼlə soʼo naʼ idzəm.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 3:13

Waazə ghə, a wən loʼ ghə i tii zə n dzanə nə̀, i kə fə̀ŋ nə baŋanə ghaa bòʼ chɔd mən n keelinə n tow u ghaa. N saa fəʼlə nə̀ ghaa i keeli nkɔʼlə.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Filipi 2:30

Tə â kay n fə̀ŋ n muu i wi, nɔb tə i kpu daŋŋə bòʼ fwaʼ kə Klisto kən tə fwaʼanə ni fu gaamə zey ghaa a way ni fuu n mgbaŋ.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.

Taytus 1:3

Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.

Taytus 2:11

Zə̀ kə n dii bə tə saa ndzoʼo fə̀ŋ i dzuŋu zey tə khənə nghee tə bənə ni bə bəghəshi aghə̂ adzəm.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

1 Jɔn 3:16

Ghəə ghən a ghəŋŋə nə̀ saa zoʼlə keeli fə key ləghə zə iwû i loʼnə ghii kə loʼ nə̀ Klisto a kpu n tôw u saa. Sey, saa khə soʼo ni bəghəm ni kpu tow u waazə a saa.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.

Chi dii 6:11

Ghə n daŋŋə fuu ndow kay wù ghə n ndzə̂ tə fəmə tə, dza tə ghə nə ghə dzə ləmə tsu tə taŋ ə ghə̂ a kəfwaʼ ghən ghə loʼ dzəŋi ghi ghə n kɔʼ kpii tsu, ghə weyyə tsu soʼo dzûmə tə Klisto tey ghə â dzəŋi loʼnə ghi ghə tə̀ ghə â weynə ghə.