Kəfwaʼ 20:21 - Kaa n Kəzə̀ n fəghə mə

²¹ N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 20:21 ပူးပေါင်းရင်းမြစ်များ

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Malakus 1:15

“Nəŋə zə n kpii, fɔɔ u Kəzə̀ wə n shɔd. Kweyyə na fə̀ŋ tə ghaa tə, ghaa bəghəm tûm i dzuŋu zə.”

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 13:3

Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey.

Lukas 13:5

Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 15:7

N dza bə tə ghaa nə a loʼ ighələ n fɔɔ u Kəzə̀, duʼlə i ngii loʼ idəŋ, abə wù bəbə umɔʼ kweyyə fəŋ ə wi, bəghəm tə Zə̀ kə, tsəghəshi abə aghə̂ nghəm ntaandzuu nsə ghə̂ ghə a tandzuu, ghə loʼ nə tsətsəghə n sə K-a-zə̀, ghə kəm khə way zuŋ kə ni kweyyə fə̀ŋ tə ghə.”

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 16:31

Ghə n beeli ndow wi, dza nə̀, “Wə khə ni bəghəm tə̀ Mûkəbii Yeso, sey wə i keeli ibəghəshi ghi ghə̂ ghey n ndaw zə adzəm.”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 19:17

Ghə̂ a Təjuu nsə ghə̂ ghən ghə way ghə̂ a Təjuu ghə adzəm, ghə â muunə n Efesus n zow tsəghə ndow ghə i tii zə. Tsəŋ zə n ngii nyi ghə n fəŋ, ghə n daŋŋə kaʼ ni ngii fuu kɔʼlə mə zəd i Mûkəbii Yeso.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 2:40

Pita n tsə̀ ghə n ndəmə təghɔɔmə, buʼ ghə n wɔɔ kə nə̀, “Bəghəshi na wû i ghaa zə n mbi i bəbə zən.”

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 24:24

Ambə tsuʼu n loʼ n tsəghə tsu, Feliks n ndow shi tsu bə ghi wey wi tɔŋɔ Drusila. Drusila â loʼ zən ə Juu. Tə n dza tsu nə ghə ney bə Pɔl. Ambə ghə ney bənə wi, ghə n tɔʼ zəllə nghee tə tiilə dzanə jìi zey ghə̂ a loʼ ni keeli bəghəm i fə̀ŋ tii n kow Yeso Klisto.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 8:25

Nghee Pita nsə Jɔn tiilə dza may tsunə ghəə ghey ghə â khənə boʼ Yeso, naʼa may tsu soʼo tûm i dzuŋu zə bòʼ Mûkəbii, ghə n nuu dzəŋŋə ndow n Yerosalem, bwey naʼlə ndow tûm i dzuŋu zə n naʼa tə mboʼo Samaria.

Roma 1:14

I loʼ nə̀, n teeli khə ni naʼa tûm i dzuŋu zə tə ghə̂ ghə adzəm, ghə̂ ghə nkala nsə ghə̂ ghə inaʼ ghə, ghə̂ ghey ghə nyinə màʼlə kə nsə ghə̂ ghey ghə khə way màʼlə kə.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 10:9

I loʼ nə̀, abə wə loʼ ni dza shi bə n dzuu zə zə̀ nə̀, “Yeso loʼ Mûkəbii.” Bəghəm kɔʼ soʼo n fə̀ŋ zə nə̀ Zə̀ kə zhəm dzəŋŋə bə wi nə ivə, Zə̀ kə i bəghəshi wɔ.

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Roma 4:24

Ghə â tɔ̀ɔ soʼo tə saa, ghən Zə̀ kə nə neynə saa nə̀ saa loʼ tsətsəghə n təŋkey saa bəghəm tə̀ wù wey tə â zhəm nuu dzəŋŋə bənə Mûkəbii saa Yeso nə ivə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

1 Kɔrint 1:22

I loʼ nə, ghə̂ a Təjuu a ləghə ni koʼ tsu dzə tətsəə ni dii tsu nə̀ tûm zən nuu bə n wɔ Zə̀ kə, ghə̂ ghən ghə way ghə̂ a Təjuu ghə a kee ləghə ni zow ghɔɔmə zey i diinə tɔb u nii wə.

2 Kɔrint 7:10

Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Galeshia 2:20

N nya loʼ tə ghə â baa dzəŋi mə n zat kə fəkaʼ ghi Klisto. N kəm khə way daʼa kə n muu zuŋ, a loʼ Klisto tə khənə daʼa kə n muu zuŋ. Mùu zən n muu nə nya, n muu bòʼ bəghəm i fə̀ŋ zən n khənə n kow waa Kəzə̀ wən tə â ləghənə mə, bəghəm ni kpu n tow kuŋ.

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Efesus 1:15

Ni ney nuu bə n nəŋə zey mə â zownə nə̀ ghaa n bəghəm tə̀ Mûkəbii Yeso, zow soʼo ləghə zey ghaa khənə n kow ghə̂ a Kəzə̀ ghə,

Kolose 2:5

Nghee n buʼ lɔʼlə loʼ kə fa, moʼlə tuŋ tədzəm tə loʼ fey ghi ghaa, fə̀ŋ zuŋ u duʼlənə ni koʼ nə̀ ghaa muunu muu i dzuŋu zə, taw soʼo n bəghəm i fə̀ŋ i ghaa ghi Klisto.

Filemun 1:5

N fuu kəzɔŋŋə n təŋkey mə n zow ndzoʼo ləghə zey wə khənə n kow ghə̂ a Kəzə̀ ghə adzəm nsə bəghəm i fə̀ŋ zey wə khənə n kow Mûkəbii Yeso.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:5

A kəm loʼ ndee tə loʼ ni təm zə ghə̂ a mbi ghən, nə̀ a way wù wey tə bəghəmnə nə̀ Yeso loʼ waa Kəzə̀ ə?