Kəfwaʼ 2:46 - Kaa n Kəzə̀ n fəghə mə

⁴⁶ Ghə n təmə dzəŋi tsuʼu n dzəm n ndaw Kəzə̀ i nii zə, ghə n bweyyə kaabə ndaw tə ndaw, zəə dzəŋi nə iduʼlə nsə n fə̀ŋ tə dzuŋu tə, zəə soʼo baa K-a-zə̀.

Kəfwaʼ 2:46 ပူးပေါင်းရင်းမြစ်များ

Matyo 6:22

Sə̂ a wù a loʼ tə̀ a loʼ kədaa tə̀ wû u wi wə udzəm. Abə sə̂ ghə a loʼ kədzuŋ, wû wə udzə̀m wə i loʼ n sə̂ a zow ghə.

Lukas 11:41

I dzaw fuu ndòw fə u ghaa wə tə ghə̂ ghey ghə khə way tə̀ ghəə a ghaa ghə i zow.

Lukas 24:30

Ambə ghə doʼo tsunə ni zə̂, Yeso n ney kɔʼ kəbaa, buulə tsu, bòʼ fu tsəghə ndòw tə̀ ghə.

Lukas 24:53

Ghə n ndow n Ndaw Kəzə̀ i nii zə n Yerosalem tsuʼu ndzəm, ghə ndow fuunə kɔʼlə mə tə̀ Zə̀ kə.

Kəfwaʼ 16:34

Ambə ghə ney kɔʼnə mmuu n Kəzə̀ mə, tə n ney bə ghə n ndaw wi, fu ghə n fəzəə wə. Wi ghi ghə̂ ghey n ndaw wi n ngii duʼlə boʼnə ghə nya bəghəm tə̀ Zə̀ kə.

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 20:7

N tsuʼ inaʼ wə nkala, ghey n tsu doʼo tsu n kuubə tə ni zə̂ baa K-a-zə̀. Nghee tə Pɔl â khənə moʼlə zə ni zəghə tsətsə wey, tə n kaʼ tsu ni ghɔɔmə, tə n ghɔɔmə aghəə tə ghə̂ ghə sa, ndow taa ndow n fə̀ŋ ə tsuʼu tə.

Kəfwaʼ 3:1

N tsuʼ fə loʼ fə, Pita nsə Jɔn n ndow n ndaw Kəzə̀ i nii zə nə tənəŋə tətəghə n tsə tə n nəŋə zey ghə gɔŋŋə tsənə tii.

Kəfwaʼ 5:21

Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Kəfwaʼ 5:42

Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

1 Kɔrint 10:16

Wɔ̀ zey saa dzəŋi mə̂ə shiə kɔʼɔnə tii fuu soʼo kəzɔŋŋə tə Zə̀ kə, à sey way kaŋ tə Klisto saa dzəŋi mə̂ənə ə? Abə saa boʼlə zə̂ənə baa kə, a sey way wû u Klisto saa dzəŋi zə̂ənə ə?

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

Efesus 6:5

Abə ghaa ghə̂ a kəfwaʼ ghə, ghaa khə ni zow ndow tə̀ ghə mûkəbii a ghaa ghey ghaa khənə fa mbi. Ghaa khə ni tsəŋə ghə, fuu ghə n ngɔɔmə zə, fwaʼa ndow tə̀ ghə n fə̀ŋ i dzuŋu zə tə̀ ghaa fwaʼa tə̀ Klisto.

Kolose 3:22

Ghaa ghə̂ a kəfwaʼ ghə, i zow na tə ghə mûkəbii a ghaa ghə fa n mbi nə aghəə adzəm. I fwaʼa na n jìi zey ghə ləghənə nəŋə tədzəm, a way kə n nəŋə zey ghə tɔʼɔ laalə bənə ghaa. Ghaa khə ni fwaʼa tə ghə n fə̀ŋ tə ghaa tə tədzəm bòʼ ngɔɔmə zən ghaa khənə n kow Mûkəbii Yeso.