Kəfwaʼ 2:33 - Kaa n Kəzə̀ n fəghə mə

³³ Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 2:33 ပူးပေါင်းရင်းမြစ်များ

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Lukas 24:49

Sey, abə n ndownə, mə i tûm bə wù wey Bày wùŋ idəŋ â dza naŋanə tə̀ ghaa. Sey, ghaa khə ni doʼo ləmə n naʼ i Yerosalem tə daʼa K-a-zə̀ kə tsu bə n kow ghaa.”

Tùm i dzuŋu zə kuum Yeso Klisto tə Jɔn â tɔɔnə 14:16

Mə i gɔŋŋə ndow tə Bày, tə i tûm bə ghaa n Wù wey tə tsə̀ənə ghə̂ ghə, tə i bə doʼo tən bə ghi ghaa tə̀ mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Kəfwaʼ 1:4

Ambə n nəŋə i loʼ zə ghə doʼo dzəŋi tsu nə̀, tə n tsəʼlə tsu kəlaŋ tə ghə nə̀, “Kə ghaa nə nuu shiənə n Yerosalem, ləmə tsu dzə n na naamə kən mə â dzanə ghaa, naamə kən Bày wuŋ a naʼa naŋanə.

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 2:17

‘Zə̀ kə dza nə̀, n tsuʼu n guŋŋə mən, à wən loʼ ghəə ghən mə i ghəŋŋənə Mə i fuu Zay kuŋ tə ghə̂ ghə adzəm. Waa a ghaa a num ghə nsə a zən ghə i naʼlə ghɔɔmə zuŋ zə. Ghaŋ fə num fə i koʼo zey ghəə ghə, Ghə̂ a dənə ghə i keeli jim mə.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Galeshia 3:14

Zuŋ key tə a kùm shinə saa â loʼ ni ghəŋə nə̀ ghə̂ ghən ghə way ghə̂ a Təjuu ghə, ghə loʼ ni mbɔŋ keeli soʼo buulə zən Zə̀ kə â fuunə tə Abraham n bam i Yeso Klisto. Seynə saa loʼ ni keeli Zay kə Zow kən Zə̀ kə a təb naŋanə n bam i bəghəm i fə̀ŋ i saa.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Efesus 4:8

À wən loʼ ghə i tii zə màʼlə K-a-zə̀ kə dzanə nə̀, “Nghee Klisto â kɔʼnə idəŋ idəŋ, Tə n ney ndəm aghə̂ tə â kwunə n tsam, Tə n fuu soʼo unaamə tə̀ ghə̂ ghə.”

Taytus 3:6

Zə̀ kə â fuu bə saa n Zay kə Zow kə naʼ idzəm n bam i Yeso Klisto tə loʼ bəghəshi saa,

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 2:9

Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.