Kəfwaʼ 2:22 - Kaa n Kəzə̀ n fəghə mə

²² Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 2:22 ပူးပေါင်းရင်းမြစ်များ

Matyo 12:28

Abə n dzùm shiənə zay u bwu wə n daʼa kə zày K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Matyo 2:23

Tə n ndòw muu doʼo ndòw fu n naʼ i loʼ zə ghə tɔŋŋənə nə̀ a loʼ Nazaled. Sey, ghəə zey wù tûm ə Kəzə̀ â dzanə n bə shi isəŋə nə̀, “Ghə î tɔŋŋə wi nə̀ a loʼ wù Nazaled.”

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Lukas 11:20

Abə i kee loʼnə nə̀ N dzùm shiə zay u bwu wə n daʼa K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Lukas 18:37

Ghə n dza ndòw tə̀ wi nə̀, “A loʼ Yeso, wù Nazaled tə tsəghənə.”

Lukas 24:18

Wù ghə umɔʼ ghə â tɔŋŋənə nə̀ a loʼ Klopas n beeli dza ndòw tə̀ Yeso nə̀, “Wə̀ bwey nyi bənu n Yerosalem ə? Wə̀ sə khə way ghəə ghey a shiənə fu n ntsuʼu n mən ə?”

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 10:37

Abə N loʼ nə̀ n fwaʼa way fwaʼ key Bày wuŋ tûmnə mə nə̀ n bə fwaʼ, kə ghaa nə̂ bəghəmnə tə̀ mə.

Tùm i dzuŋu zə kuum Yeso Klisto tə Jɔn â tɔɔnə 11:47

Sey, ghə fɔɔngili a nii ghə ghi ghə̂ a tə Falasi ghə n tɔŋɔ tsu dzəŋi kə ndaw tsə̀, ghə n bəbə n wû i ghə nə̀, “A i jiə tsu ngee ghi Yeso wən ə? Tə nya ngii dii ndəmə ghəə a faalə ghə!

Tùm i dzuŋu zə kuum Yeso Klisto tə Jɔn â tɔɔnə 12:17

Nɔɔ kə aghə̂ key kə â loʼnə ghi Yeso n nəŋə zey tə â zhəm nuu shi bənə lazarɔs n say i wi, n ndòw naʼa nduŋŋə ndow ghəə a tii ghə.

Tùm i dzuŋu zə kuum Yeso Klisto tə Jɔn â tɔɔnə 15:24

Abə a mə loʼ nə̀ ghə â ka koʼ fwaʼ key mə â fwaʼnə n fəŋŋə kə ghə nə̀ wù loʼ ka kam fwaʼ koʼ tsə, a mə loʼ nə̀ ghə ka kam ghəŋə bəəbə dzə ghə i loʼ zə. A sə fa loʼ kə nə̀ ghə n koʼ, ghə a nam ndow kə n sə kə ni bàa mə ghi Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 19:19

Pilato n tɔ̀ɔ tsu soʼo aghəə nə kəbaʼlə nə̀, “Yeso, wù Nazaled, Də̀ŋ kə Təjuu”, baa naŋa kɔʼ n zat kə fəkaʼ kə wi.

Tùm i dzuŋu zə kuum Yeso Klisto tə Jɔn â tɔɔnə 3:2

N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”

Tùm i dzuŋu zə kuum Yeso Klisto tə Jɔn â tɔɔnə 4:48

Yeso n dza ndòw tə̀ wi nə̀, “N khənu nə̀ wù ghaa umɔʼ way ni bəghəm tə mə nə̀ tə ka koʼ dzə tsəə tə nsə n faalə mə.”

Tùm i dzuŋu zə kuum Yeso Klisto tə Jɔn â tɔɔnə 5:36

N kee khə ghəə a nuu ghə a tiilə dza bənə ndzoʼo wù wey n loʼnə nə̀ a tsəghəshi a ghən Jɔn â tiilə dzanə bòʼ mə. Imɔʼ loʼ fwaʼ kən n fwaʼanə, tɔŋŋə fwaʼ kən Bày fu naŋanə tə̀ mə nə̀ n fwaʼ. Fwaʼ kən n fwaʼa nə̀, tiilə dza bə aghəə bòʼ mə nə̀ à loʼ Bày tə tûmnə mə̀.

Tùm i dzuŋu zə kuum Yeso Klisto tə Jɔn â tɔɔnə 6:14

Nghee tə̀ nɔɔ kə aghə̂ kən koʼ tsunə ndzoʼo faalə mən Yeso â ghəŋŋənə, ghə n dza, “Wù wən ndzəm loʼ Wù tûm Kəzə̀ wey tə â khənə ni bə fa mbi.”

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 7:31

À kee loʼ nə̀ ndəmə aghə̂ n nɔɔ k-a-ghə̂ key mâ bəghəm tə̀ wi. Ghə n dza, “Abə wù wey Zə̀ kə â dza naŋa nə̀ i tûm bənu î bənə, ghaa moʼonə tə î diinu tsəə tə, tə tsəghəshinə tə tən wù wən dii naŋanə ə?”

Tùm i dzuŋu zə kuum Yeso Klisto tə Jɔn â tɔɔnə 9:33

Abə wù wən mə way wù Kəzə̀, tə mə way ni ghəŋə ighəə tə̀ a loʼ i zən.”

Kəfwaʼ 13:16

Pɔl n nuu təmi kɔʼ, foʼ tsu kəwɔɔ nə̀ ghə doʼo tsu mɔŋ. Tə n ghɔɔmə ndow tə ghə nə̀, “Ghə̂ ghə Izree ghə nsə ghaa ghə̂ tətùm ghən ghaa ngɔɔmənə Zə̀ kə, ghaa zow!

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 2:19

Mə i dii tətsəə n bikighow N dii ghəə a faalə ghə n ghəlikətsə, Ghaa i koʼ təkaŋ inaʼ, naʼ zə i fəə, nyoʼ kə i dzəə təluʼu.

Kəfwaʼ 2:43

Ngəd tə Yeso tə n ghəŋŋə ndəmə ghəə a faalə ghə nsə ghəə a zum ghə idzuu ghə, sey, aghə̂ adzəm ghə n khə tsəŋ i Kəzə̀ n fə̀ŋ tə ghə.

Kəfwaʼ 21:28

Ghə̂ a tii ghə n buʼlə nbɔŋ, dza tsuu nə̀, “Ohooo Ghə̂ ghə Izree ghə, tɔm bə na ghey! À wən loʼ wù wey tə tsə̀ə bəəbə ghə̂ ghə nə təluʼu tədzəm nə̀ ghə ka i zow tə ghə̂ Izree ghə, ghə ka i naŋŋə laŋ kə Mushi kə, ghə ka i kɔʼlə soʼo ndaw Kəzə̀ ə saa i nii zən. Ghə zey i bəb tsəghəshi tsunə loʼ nə̀ tə baa ney nyi bə ghə̂ ghey ghə way ghə̂ a Təjuu fa n ndaw Kəzə̀ ə saa, ghəŋə nə̀ kə luʼu kən nə kəm zow.”

Kəfwaʼ 22:8

Mə n bəb kɔʼ nə̀, ‘Wə loʼ ndee a Mûkəbii?’ Tə n dza tə mə nə̀, ‘N loʼ Yeso, wù Nazaled wey wə chɔdlɔ kaabənə.’

Kəfwaʼ 24:5

Ghey n koʼ nə̀ wù wən loʼ wù uchɔd. À loʼ wi tə soʼo kaabə tsənə chɔd wə n fəŋŋə kə ghə̂ a Təjuu fa n mbi idzəm. À loʼ soʼo wi tow kə n zəghə u loʼ wə ghə tɔŋŋə nə̀ a loʼ zəghə u Nazarin.

Kəfwaʼ 26:26

Fɔɔ Agripa khənu ghəə ghən adzəm. N ndzəmə khəə dzəŋinu ghəə ghə ghi wi nə̀ n tsəŋə way n təŋkey, n khənu nə̀ ghəə ghən n khəənə fa adzəm, i loʼ i way tii nə̀ a loʼ i fəghə zə tə wi, boʼnə ghəə ghən â ka ney dzə bənə kə nə kələm.

Kəfwaʼ 26:9

Wû wuŋ, mə â moʼlə soʼo nə n tsəm khə ni kəŋ tsu təjìi tədzəm ni tuu maʼa nə̀ ghə̂ a ka bəghəm zəd i Yeso wù Nazaled.

Kəfwaʼ 3:12

Ambə Pita koʼ tsunə sey, tə n dza ndow tə ghə̂ ghey nə̀, “Ghə̂ a Izree ghə, à lo kee dzuu i zumnə ghaa n ghəə zən ə? A loʼ kee ghaa laalənə ghey n ndzoʼo jii zən ə? À loʼ kee ghaa laalənə ghey tə a i dzanə à loʼ n daʼa kə ghey, ghey ghəŋənə nə̀ wù wən bwey nkee ghaa moʼlə nə̀ ghey loʼ ghə̂ a dzuŋu ghə n sə K-a-zə̀ ni ghəŋə nə̀ wù wən bwey ə?

Kəfwaʼ 3:6

Pita n fəd dza ndow tə wi nə̀, “N ngəmsə khə way khəə wə ni fuu tə wɔ, n kee fuunu wɔ n fə key n khənə ghii kə. N zəd i Yeso Klisto wù Nazaled, nuu təmi kɔʼ, wə bwey ndow.”

Kəfwaʼ 4:10

n dza n dza bə tə ghaa adzəm nsə ghə̂ ghə Izree ghə adzəm nə a loʼ n zəd i Yeso Klisto, wù Nazaled, wù wən teynə fa n sə kə ghaa nə tə n taw doʼo bə. Ghaa â baa Yeso wən n zat kə fəkaʼ, Zə̀ kə n kee zhəm dzəŋŋə bə wi nə ivə.

Kəfwaʼ 5:35

Ambə ghə shi ndownə, tə n dza ndow tə ghə̂ a tsə ghey nə̀, “Ghə̂ a Izree ghə, tɔʼɔ ney na ghə̂mə zə n ghəə zey ghaa ləghə ni ghəŋə n kow ghə̂ ghən.

Kəfwaʼ 6:14

Ghey â zow wi tə dzanə nə̀ Yeso wù Nazared wən i saʼa maʼanu Ndaw Kəzə̀ ə saa zən, tə kwey kɔʼ soʼo ghəə ghə inaʼ ghən Mushi a fuu naŋanə tə̀ saa.”

2 Kɔrint 12:12

Mə â kow tsu fə̀ŋ ni ghəŋə ndəmə ghəə a zum ghə idzuu ghə nsə faalə mə n fəŋŋə kə ghaa ni dii bə tə̀ ghaa nə̀ n ndzəm loʼ ngəd ə Yeso.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.