Kəfwaʼ 19:35 - Kaa n Kəzə̀ n fəghə mə

³⁵ Wù wey tə â tɔɔnə màʼlə kə fu inaʼ n dəm kə sa buu naŋa tsu bɔŋ n ghə mey, dza tə ghə nə̀, “Ghə̂ a Efesus ghə! À məghə ndee nə a loʼ ghaa ghə̂ a Efesus, ghaa laalənə fəə fə Atemis fə, zə̀ kən kə taw tsəghənə zə̀ wə udzəm ə? À məghə ndee nə a loʼ soʼo ghaa, ghaa laalənə tay i kənyi zey zə â tsɔʼi tsu bə idəŋ ə?

Kəfwaʼ 19:35 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 9:31

Ghey khənu nə̀ Zə̀ kə zow way gɔŋŋə i ghə̂ a bəbə ghə. Tə kee zownu gɔŋŋə i ghə̂ ghey ghə ngɔɔmənə wi, ghəŋŋə ndòw ghəə ghey a kpiilənə tə̀ wi.

Kəfwaʼ 18:19

Nghee ghə nyi bənə n naʼ i Efesus, Pɔl n naŋa taʼa tsu Prisila nsə Akwila fu, kee ndow n ndaw kədzəŋi ghə̂ a Təjuu n nəŋə wi, ghɔɔmə fu ghi ghə̂ a Təjuu ghə.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 19:34

A n kee bə nghee ghə̂ a tii a keeli tsunə nə̀ tə loʼ wù Juu, ghə n ney kɔʼɔ ndow nəŋə tə izow təbəghə nə ghə dzəŋi buʼlə kə nbɔŋ nə̀, “Atemis zə̀ kə ghə̂ a Efesus taw tsəghə uzə̀ udzəm!”

Kəfwaʼ 19:36

Wù loʼ way dzə ni tuu maʼa ghəə ghən. Dzɔb loʼ kə nə̀ ghaa doʼo tsu kə mɔŋ, ghaa ka chɔd u soʼ.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.

1 Timoti 4:2

Ndzoʼo ghəə a tsɔŋɔ ghən, a dii ghə nəb ityim, ghə loʼ nə̀ ghə n fii fuu fə̀ŋ tə ghə tə tə̀ vəətsəə ghə.