Kəfwaʼ 19:22 - Kaa n Kəzə̀ n fəghə mə

²² Tə n daŋŋə ney kɔʼ ghə̂ ghey ghə â gaamə bənə wi abəghə, Timoti ghi Erastus, tûm ndow n Masedonya, wû u wi n kee dzə doʼo kəŋə ndow n mboʼo Eshya.

Kəfwaʼ 19:22 ပူးပေါင်းရင်းမြစ်များ

Kəfwaʼ 13:5

Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Kəfwaʼ 16:3

Sey, Pɔl n ləghə nə̀ tə təmdzəŋi bə wi n bwey i ghə. Tə n daŋŋə səghə tsu tyi kə Timoti bòʼ nə ghə̂ a Təjuu ghey ghə â muunə fu, ghə â khənu nə bày wi way dzə wù Juu.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 19:29

Naʼ i tii zə idzəm n daŋŋə təmi kɔʼ nə ifuu. Ghə n kwu kɔʼ Gayɔs ghi Aristakus, ghə̂ a Masidonia ghən ghə a bweynə ghi Pɔl, daŋŋə nyəŋ ndow ghi ghə n ndaw kədzəŋi i nii zey fu inaʼ.

Kəfwaʼ 20:1

Ambə ndəm kən tsu kay tsunə, Pɔl n tɔŋɔ zuŋŋə bə dzûmə tə Klisto, kuu fə̀ŋ tə ghə, dza tə ghə nə̀ ghə doʼo kədzuŋ, daŋŋə zəghə tsu ghə ndow n Masedonya.

Kəfwaʼ 20:34

Wû i ghaa, ghaa khənu nə̀ mə â fwaʼ tsu n wɔɔ ghuŋ ghən ni keeli fə wən mə ghi ghə̂ ghən adzəm mə â loʼ dzəŋinə ghi ghə â ləghənə.

Roma 16:23

Gayɔs wən n muunə n ndaw wi, dzûmə tə Klisto tə nyiə soʼonə n ndaw wi tûm bə ghaa n tɔŋɔ zow zə. Erastus wən tə naŋŋənə mbəghə kə ukhəə kə inaʼ kə ghi waazə ə saa Kwatus tɔŋŋə zow bə ghaa.

2 Kɔrint 1:16

Mə â ləghə ni koʼ daŋ tsə̀ ghaa abə n ndòwnə n mbuʼu Masedonya, n bə koʼ daŋ tsə soʼo ghaa abə n dzəŋŋə bənə, ni ghəŋə tsu nə̀ ghaa i loʼ ni fuu mə n gaamə zə ni ndow n mbuʼu Judeya.

2 Kɔrint 11:9

Nghee tə̀ mə̂ â loʼnə ghi ghaa, mə â fəmmə way ghaa abə n laʼanə fə kə. Waazə a saa ghey ghə â nuu bənə n Masedonya, ghə â bə mə̀ n fə wə udzəm. Sey nghee tə̀ mə â doʼonə nə̀ n fəmmə way ghaa, mə̀ î fəmmə koʼ way ghaa n ghə i loʼ zə.

2 Kɔrint 2:13

À kee loʼ nə̀ mə â nam khə kəfəmmə n fə̀ŋ, n təŋkey n ka koʼ dzə waazə saa Taytus fu tii. Sey mə n dza ndòw tə̀ dzûmə tə Klisto tey fu nə̀ ghə doʼo kədzuŋ, nuu daŋŋə ndòw n mbuʼu Masedonya.

2 Kɔrint 8:1

Waazə ghə, ghey ləghə nə̀ ghaa keeli tsu ndzuŋ zey Zə̀ kə fuunə tə̀ dzəŋi u dzûmə tə Klisto tey n mbuʼu Masedonya.

2 Kɔrint 8:19

À way kə sey, a loʼ soʼo nə̀ dzəŋi u dzûmə tə Klisto tə sày wi nə̀ tə bwey dzəŋi ghi ghey nghee tə̀ ghey bwey fwaʼanə fwaʼ kə dzuŋu kən ni fuu nkɔʼlə tə̀ Mûkəbii, nsə ni dii nə̀ ghey ləghənu ni fuu igaamə.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.

2 Timoti 4:20

Erastus mâ doʼo səə n naʼ i Kɔrint. Abə Trofimus, mə â naŋa taʼa wi n naʼ i Miletus nə̀ tə dzaŋanu.