Kəfwaʼ 18:26 - Kaa n Kəzə̀ n fəghə mə

²⁶ Tə n zey ndow ni naʼa ghəə a Kəzə̀ n ndaw kədzəŋi ə ghə̂ a Təjuu nə tə tsəŋə way. Ambə Prisila ghi Akwila zəllə tsu ghɔɔmə i Apolos zə, ghə n baa ney ndow wi nə ghə, tɔʼ ndow tiilə dzɔb tsu ghəə a jii zey i loʼnə i Kəzə̀ zə tə̀ wi.

Kəfwaʼ 18:26 ပူးပေါင်းရင်းမြစ်များ

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Lukas 19:26

Sey, mûkəbii wey n dza ndow tə ghə nə̀, ‘Keeli tsu na nə wù wey tə khə fə kə, ghə i fu kuulə wi n ndəmə ufə, abə wù wey tə khə way fə kə, ghə i ney nuu daŋŋə nyanyi fey tə khə.

Lukas 24:27

Sey, ni zey tsu n laŋ wey Mushi â tɔ̀ɔ naŋa nə̀, ney may bə tûm tə Kəzə̀ tədzəm, tə n tiilə kɔʼ bə ghəə ghey ghə â tɔ̀ɔ naŋŋənə n màʼlə K-a-zə̀ kûm wi.

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 18:25

À n loʼ nə tə n tɔʼ zoʼlə ghəə ghə bòʼ jii zey i loʼnə i Mûkəbii zə. Tə n khə zày ni dii aghə̂ n ghəə ghə bòʼ Yeso loʼ sey nə̀ tə â tɔʼ khə kə aghəə bòʼ mmuu n Kəzə̀ mey Jɔn â fuunə.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 8:31

Wù nii wey n beeli ndow wi nə̀, “N loʼ ni zowkeeli ngee nə̀ wù loʼ ka tiilə dza bə tə mə ə?” Tə n daŋŋə dza nə̀ Filip kɔʼ doʼo dzəŋi kɔʼ ghi wi.

1 Kɔrint 12:21

A wey loʼ ghə i tii zə sə̂ i way dzə ni dza tə̀ wɔɔ kə nə̀, “N khə way ghə i loʼ zə ni ghəŋə ghi wɔ!” Tow kə way ni dza soʼo tə̀ ghow kə nə̀, “N khə way ghə i loʼ zə ni ghəŋə ghi wɔ!”

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 8:2

Wù wey tə moʼlənə nə̀ tə khənu ghəə ghə, tə kam khə dzə way ghəə ghə nghee tə mə khənə ni keeli.

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.