Kəfwaʼ 18:22 - Kaa n Kəzə̀ n fəghə mə

²² Ambə tə bə nyi bənə n naʼ i Kayserya, tə n kɔʼ ndow n Yerosalem, tɔŋɔ zow ndow dzûmə tə Klisto tey fu, tsəghə tsu daŋŋə ndow n Antyɔk.

Kəfwaʼ 18:22 ပူးပေါင်းရင်းမြစ်များ

Kəfwaʼ 10:1

Wù loʼ â loʼnu n naʼ i Kayserya zəd i wi zə â loʼnə nə̀ a loʼ Kɔnilus. Tə n loʼ kətow tə̀ saʼ kə sawgoʼ tə Roma tən tə loʼnə fəbɔm, ghə â tɔŋŋə nə̀ aloʼ “Saʼ kə təsawgoʼ kə Itali.”

Kəfwaʼ 10:24

Ghə n nyiə ndow n Kayserya n tsuʼ fə loʼ fey. À n loʼ nə̀ Kɔnilus n tɔŋɔ zuŋŋə bə tyim a wi ghə nsə fə a wi ghə, ghə ləmmənə ghə Pita.

Kəfwaʼ 11:11

N nəŋŋə i tii zə kə, aghə̂ atəghə nə̀ ghə nuu bə n naʼ i Kayserya, ghə tûm bənə ghə n nyi bə n ndaw zey mə â muunə tii.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 14:26

Ghə n nuu tsu fu nə Atalya kəfən, ndow dzəŋŋə n naʼ i Antyɔk. À loʼ n luʼu kən ghə â gɔŋŋənə tii nə̀ Zə̀ kə fuu ghə n ndzuŋ ni fwaʼ fwaʼ kən ghə kuʼlə mayyə kɔʼnə.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:30

Ghə̂ ghən ghə â sàynə n ney kɔʼ màʼlə kən, nuu tsu ndow n Antyɔk. Ambə ghə ndow nyi ndownə fu, ghə n zuŋŋə bə dzûmə tə Klisto tey, fuu ndow màʼlə key tə ghə.

Kəfwaʼ 15:35

Pɔl nsə Banabas n doʼo kəŋə ndow n Antyɔk. Ghə ghi ndəm ə dzûmə tə loʼ tə n naʼlə ndow tûm i dzuŋu zə, dii ndow soʼo aghəə bòʼ Mûkəbii.

Kəfwaʼ 15:4

Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.

Kəfwaʼ 23:23

Tow kə təsawgoʼ kən n tɔŋɔ tsu sawgoʼ tə nii tə təbəghə, dza tə ghə nə̀, “Bayyə tsu sawgoʼ tə nbɔm n bəghə, ghə̂ a nyəŋə ghə ukhinyam ghə nghəm nsəghəmbəghə nsə ghə̂ ghə nbɔm n bəghə, ghə saynə ghɔŋ ghə, ghə khə ni ndow n Kayserya na n tsuʼu tə nə tənəŋə tətaandzuu.

Kəfwaʼ 25:1

Ambə Festus kɔʼ kɔʼnə ndaŋ ə Govenɔ, tə n bə n Kayserya. Ambə tsuʼu n tsəghə tsunə ntəghə, tə n nuu kɔʼ ndow n Yerosalem.

Kəfwaʼ 25:9

Festus n kee ləghə ni keeli tûm usə u dzuŋu wə n sə kə ghə̂ a Təjuu, sey, tə n bəb ndow tə Pɔl nə̀, “Wə ləghənu nə n kɔʼ saʼ wɔ n Yerosalem n ghəə ghən ghə kwɔɔnə wɔ tii ə?”

Kəfwaʼ 8:40

Filip n dza i koʼ nə̀ tə ndow shi n naʼ zə Azotus. Tə n ndow kə n sə kə ni naʼa tûm i dzuŋu zə n naʼa tey tə â loʼnə fu n jii, ndow kuum ndow n Kayserya.