Kəfwaʼ 18:21 - Kaa n Kəzə̀ n fəghə mə

²¹ A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 18:21 ပူးပေါင်းရင်းမြစ်များ

Matyo 26:39

Tə n dzə kəŋə kpiʼi ndòw isə, bwu fəə ndòw tûm usə̂ aghəd, kaʼ ndòw ni gɔŋŋə nə̀, “Bày wuŋ, abə jìi loʼnə, ney nuu ndòw wɔ̂ uchɔd zən n wɔ mə. A kee loʼ nə̀ kə i nə doʼlənə tə̀ n ləghə, i doʼo tə̀ wə ləghənə.”

Malakus 6:46

Ambə tə saali maʼa tsunə nɔɔ kə aghə̂ key, tə n kɔʼ ndòw nə ukaʼ ni ndòw gɔŋŋə.

Lukas 9:61

Wù loʼ n dza ndòw soʼo tə̀ wi nə̀, “mûkəbii, N dzûmənu wɔ, n dza n ndòw tɔŋŋə zow tsu dzə ghə̂ ghuŋ n ndaw.”

Kəfwaʼ 15:29

ghaa khə way ni zə̂ ufəzəə nə̀ ghə n fuu tə aloʼ umaʼlə tə muʼu mə, ghaa khə way ni zə̂ təkaŋ, ghaa khə way ni fə nyam nə ghə ka səghə, ghaa khə soʼo way ni ghəŋŋə ghəə a laŋŋə ghə. Abə ghaa loʼ ninaŋa laŋ u wən kələ, ghaa i khə way chɔd u loʼ wə. Ghaa doʼo kədzuŋ.”

Kəfwaʼ 18:19

Nghee ghə nyi bənə n naʼ i Efesus, Pɔl n naŋa taʼa tsu Prisila nsə Akwila fu, kee ndow n ndaw kədzəŋi ghə̂ a Təjuu n nəŋə wi, ghɔɔmə fu ghi ghə̂ a Təjuu ghə.

Kəfwaʼ 18:20

Ghə n dza nə̀ tə dzə doʼo kəŋə kpiʼi ndow ghi ghə, tə n mə i tuu.

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Kəfwaʼ 19:17

Ghə̂ a Təjuu nsə ghə̂ ghən ghə way ghə̂ a Təjuu ghə adzəm, ghə â muunə n Efesus n zow tsəghə ndow ghə i tii zə. Tsəŋ zə n ngii nyi ghə n fəŋ, ghə n daŋŋə kaʼ ni ngii fuu kɔʼlə mə zəd i Mûkəbii Yeso.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

Kəfwaʼ 21:14

Ambə ghey dəm kii tsu ni tuu nə̀ tə ka ndow fu, ghey n zəghə maʼa tsu wi dza nə̀, “I doʼo ndow kə tə Mûkəbii ləghənə.”

Kəfwaʼ 21:29

Ghə â dza sey n təŋkey nghee ghə â buʼ koʼ tsu wi fə̀ŋ inaʼ ghi Trofimus, wù Efesus, ghə moʼlə kə nə Pɔl sey ney ndow wi n ndaw Kəzə̀ n Yerosalem.

Roma 1:10

Nəŋə tədzəm abə n gɔŋŋənə, n gɔŋŋə tsə nə̀, abə Zə̀ kə bəghəmnə mə i loʼ ni bə taa n səə ghaa.

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Kɔrint 16:7

Zuŋ key n ləghə way ni bə koʼ ghaa nya nə̀ n tsəghə daŋŋənu loʼ nə̀, n khə imoʼlə ni bə ndəŋ doʼo kəŋə bə ghi ghaa abə Mûkəbii kpaʼi bəghəmnə.

1 Kɔrint 16:8

À kee loʼ nə̀ n doʼlə kəŋŋə ndow dzə fa n Efesus, zə̂ kə Pentikɔs kə tsəghə kɔʼ dzə.

1 Kɔrint 4:19

N khənu moʼlə zə ni kuʼlə bə taa fey n səə ghaa abə Mûkəbii kpaʼi bəghəmnə. Abə mə i bənə, mə i kəŋ keeli shi kɔʼ nə̀ ghə̂ ghən ghə ghaŋŋənə wû zə maŋ khə kə idzuu mɔ Zə̀ kə n ndzəm fuu ghə n daʼa kə ə.

2 Kɔrint 13:11

Nyisa waazə ghuŋ a dzuŋu ghə, ghaa doʼo kədzuŋ! Dəm tsu na ni ghəŋə ghəə ghey a loʼnə tsətsəghə. Ghaa i naŋŋə tsə̀ zuŋ zə, zowkeeli tsuu na wû i ghaa zə, ghaa i muu ni ibuulə. N gɔŋŋə nə̀ Zə̀ kən kə fuunə ləghə zə nsə buulə zə i loʼ ghi ghaa.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Hibru 6:3

Abə Zə̀ kə bəghəmnə, saa loʼnu ni zoʼlə aghəə nə̀ ghə n tsəghəshi a ghən.

Jems 4:15

Ghaa mə khə ni dza nə̀, “Abə Mûkəbii kpaʼi bəghəmnə, ghey i muu, ghey ghəŋə ndow ghə i zən nkee i zey.”

1 Pita 3:17

I loʼ sey n təŋkey, i dzɔbənu ni fəghə a dza wə ghəŋə ghə i dzuŋu zə abə a loʼ nə a loʼ ghəə zey Zə̀ kə ləghənə, tsəghəshi tə wɔ ni fəghə a dza wə ghəŋə ghə i bəbə zə.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 2:1

Yeso Klisto n dza bə soʼo tə mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n Efesus nə̀, wù wey tə khənə səghəbələ mə nsəghəmbəghə n wɔɔ kə wi kə zəə kə, bwey soʼo n fəŋŋə kə nyəllə u kədaa wən usəghəmbəghə nə̀ ghə faalə nə itsàa, dza nə̀,