Kəfwaʼ 18:19 - Kaa n Kəzə̀ n fəghə mə

¹⁹ Nghee ghə nyi bənə n naʼ i Efesus, Pɔl n naŋa taʼa tsu Prisila nsə Akwila fu, kee ndow n ndaw kədzəŋi ghə̂ a Təjuu n nəŋə wi, ghɔɔmə fu ghi ghə̂ a Təjuu ghə.

Kəfwaʼ 18:19 ပူးပေါင်းရင်းမြစ်များ

Kəfwaʼ 18:20

Ghə n dza nə̀ tə dzə doʼo kəŋə kpiʼi ndow ghi ghə, tə n mə i tuu.

Kəfwaʼ 18:21

A n kee bə tə dza i nuu, tə n dza tə ghə nə̀, “Mə i kəm bəghə dzəŋŋənu ni bə koʼ ghaa abə Zə̀ kə bəghəmnə.” Tə n daŋŋə bə ney kɔʼ kəfən, zəghə tsu naʼ i Efesus.

Kəfwaʼ 18:24

Nghee tə̀ Pɔl bwey kaabənə n mboʼo tə Frigya tə nsə Galeshya, wù Juu u loʼ wə n ndow bə n naʼ i Efesus, zəd i wi zə â loʼ nə̀ a loʼ Apolos, tə â shinə n naʼ i Alekzandra. Tə n loʼ dzɔbə dzə̀, tɔʼ khə soʼo màʼlə K-a-zə̀.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:1

Nghee Apolos loʼnə n Kɔrint, Pɔl n tsəghə tɔɔlə ndow n fə̀ŋ inaʼ, ndow nyi ndow n naʼ i Efesus. Tə n ndow kpiilə ndow ghi dzûmə tə Klisto tə loʼ tə fu.

Kəfwaʼ 19:17

Ghə̂ a Təjuu nsə ghə̂ ghən ghə way ghə̂ a Təjuu ghə adzəm, ghə â muunə n Efesus n zow tsəghə ndow ghə i tii zə. Tsəŋ zə n ngii nyi ghə n fəŋ, ghə n daŋŋə kaʼ ni ngii fuu kɔʼlə mə zəd i Mûkəbii Yeso.

Kəfwaʼ 19:26

Ghaa koʼonu, ghaa a zow soʼonə nə̀ a kad way kə fa n Efesus, a loʼ soʼo mboʼo Eshya idzəm, Pɔl wən loʼ nə tə n nəəbə nuu ndəm ə aghə̂, nə̀ zə̀ wən saa faalə tsunə n wɔɔ, way dzə zə̀ u loʼ wə.

Kəfwaʼ 19:28

Ambə nɔɔ kə aghə̂ key zow tsu ghəə ghən, ghə n fəələ ndow n fə̀ŋ tii, kaʼ tsu bɔŋ n buʼlə mə dza tsu nə̀, “Atemis wən a kɔʼlə fa n Efesus, taw tsəghə uzə̀ udzəm!”

Kəfwaʼ 19:35

Wù wey tə â tɔɔnə màʼlə kə fu inaʼ n dəm kə sa buu naŋa tsu bɔŋ n ghə mey, dza tə ghə nə̀, “Ghə̂ a Efesus ghə! À məghə ndee nə a loʼ ghaa ghə̂ a Efesus, ghaa laalənə fəə fə Atemis fə, zə̀ kən kə taw tsəghənə zə̀ wə udzəm ə? À məghə ndee nə a loʼ soʼo ghaa, ghaa laalənə tay i kənyi zey zə â tsɔʼi tsu bə idəŋ ə?

Kəfwaʼ 20:16

Pɔl â tsə̀m kɔʼ ni ney jii zən n təŋkey tə â ləghə way ni tsəghə n Efesus sey nə̀ kə i nə bəəbə nəŋə zə n mboʼo Eshya. Tə â luumənu, sey, tə n ləghə nə̀ abə i bəb kə n ngee tə loʼ ni nyi n Yerosalem n tsuʼ fə Pentikɔs.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

Kəfwaʼ 21:29

Ghə â dza sey n təŋkey nghee ghə â buʼ koʼ tsu wi fə̀ŋ inaʼ ghi Trofimus, wù Efesus, ghə moʼlə kə nə Pɔl sey ney ndow wi n ndaw Kəzə̀ n Yerosalem.

1 Kɔrint 15:32

Abə mə â zuulə baalənə ghi nyam tə mbvən tən tɔŋŋə ghə̂ ghən n naʼ i Efesus, nə̀ à maŋ loʼ kə n moʼlə tə wù sɔŋtsuʼ, n mə zə̂ kee a tii abə à loʼ nə̀ ghə̂ a kpu a mə zhəm dzəŋŋə way nə ivə ə? Abə i ndzəm loʼnə nə̀ ghə̂ a kpu a zhəm dzəŋŋə way nə ivə, saa sey khə ni maŋ muu tə̀ ghə̂ a loʼ a dzanə nə̀, “Bə na, saa zə̂, saa mə nlə, n təŋkey, tsətsə, saa i kpuunu.”

1 Kɔrint 16:8

À kee loʼ nə̀ n doʼlə kəŋŋə ndow dzə fa n Efesus, zə̂ kə Pentikɔs kə tsəghə kɔʼ dzə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

2 Timoti 1:18

N gɔŋŋə nə̀ Zə̀ kə kwɔɔlə isî n kow wi n tsuʼ fey Mûkəbii i bəghənə tii. Wə tɔʼ khənu nghee tə â gaamənə mə tii n naʼ i Efesus.

2 Timoti 4:12

N mâ tûm ndow Taychikus n naʼ i Efesus.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 2:1

Yeso Klisto n dza bə soʼo tə mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n Efesus nə̀, wù wey tə khənə səghəbələ mə nsəghəmbəghə n wɔɔ kə wi kə zəə kə, bwey soʼo n fəŋŋə kə nyəllə u kədaa wən usəghəmbəghə nə̀ ghə faalə nə itsàa, dza nə̀,