Kəfwaʼ 17:15 - Kaa n Kəzə̀ n fəghə mə

¹⁵ Ghə̂ ghey ghə â dza i ndow tənə naŋa Pɔl n ndow tənə naŋa nay ndow wi n naʼ i Atens. Pɔl n dza ndow tə ghə nə̀ ghə dzəŋŋə ndow dza ndow tə Silas ghi Timoti nə̀ ghə mbad kwɔɔlə bə wi n naʼ i Atens.

Kəfwaʼ 17:15 ပူးပေါင်းရင်းမြစ်များ

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 17:16

Ambə Pɔl sə loʼ n Atens tə ləmmənə Silas ghi Timoti, zə n ngii fəmmə wi n fə̀ŋ nghee tə koʼ tsunə nə̀ muʼu n ngii loʼ n naʼ i tii zə.

Kəfwaʼ 17:21

Ghə̂ ghə Atens adzəm nsə ghə̂ a tətùm ghey ghə â muunə fu â ney naŋa tsu nəŋə i ghə idzəm ni khəə nsə ni zəllə soʼo ghəə a fəghə ghey a shiənə.

Kəfwaʼ 17:22

Pɔl sey nuu təmi kɔʼnu n sə kə tsə ə Areopagus, dza tə ghə nə̀, “Mə n ndzəm koʼ nə̀ ghaa ghə̂ ghə Atens ghə, ghaa ləghənu ghəə a Kəzə̀ ghə nə təjìi tədzəm.

Kəfwaʼ 18:1

Ambə Pɔl ghɔɔmə may tsunə tə ghə̂ a ndaw tsə ghey, tə n zəghə tsu Atens, nuu ndow n Kɔrint.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

1 Tesalonika 3:1

Nghee ghey â dəm kii tsunə ni doʼo nə̀ ghey koʼo way ghaa, ghey n koʼ tsu nə̀ i baa dzɔbə nə̀ ghey doʼo khə̂mə tsu n naʼ i Atens n nəŋ ə ghey.

Taytus 3:12

Abə mə i tûm bənə Atemas nkee Taychikus n səə wɔ, wə i dəm tən tsu ni kwɔɔlə bə mə n naʼ i Nikopolis, n təŋkey, mə n bayyə naŋa n fə̀ŋ zuŋ ni doʼo kəŋə ndow fu n nəŋə zey fəb u ngii loʼnə.