Kəfwaʼ 16:33 - Kaa n Kəzə̀ n fəghə mə

³³ Wù wey tə â laalənə ndaw tsaʼ zən n ney kɔʼ ghə n tsuʼu tə wey, ndow sow maʼa tsu fəŋ a ghə. Wi ghi ghə̂ a ndaw wi ghə adzəm n daŋŋə ney kɔʼ mmuu n Kəzə̀.

Kəfwaʼ 16:33 ပူးပေါင်းရင်းမြစ်များ

Matyo 3:6

Ghə n dza ndòw bəb i ghə tə̀ Jɔn, Jɔn n fuu ghə n mmuu n Kəzə̀ mə n dzuu Jodan.

Lukas 19:9

Yeso n dza tə wi nə̀, “Zə̀ kə n bəghəshi ndaw zən na, n təŋkey, wù wən loʼ soʼonu waa sali ndaw zə Abraham.

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Kəfwaʼ 16:23

Ambə ghə bwɔd dzɔb tsunə ghə, ghə n ney fii naŋa ndow ghə n ndaw tsaʼ, dza ndow tə̀ wù wey tə laalənə ghə̂ a ndaw tsaʼ ghə nə̀ tə tɔʼ naŋa tsu isə n kow ghə.

Kəfwaʼ 16:25

Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 16:32

Sey, ghə n tsəghə ndow n sə kə ni naʼa ndow tûm ə Mûkəbii tə wi nsə ghə̂ ghey n ndaw wi adzəm.

1 Kɔrint 1:16

N moʼlə soʼonu nə̀ n mâ fuu soʼo mmuu n Kəzə̀ mə tə̀ ghə̂ ghey n ndaw Stefanas. À may kə ghə̂ ghən n taŋŋə tsunə fa, mə â fuunə ghə n mmuu n Kəzə̀ mə, n moʼo nə̀ wù loʼ kəm way dzə.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.