Kəfwaʼ 16:22 - Kaa n Kəzə̀ n fəghə mə

²² Nɔɔ kə aghə̂ key n kuu dzəŋi ndow dzuu a ghə n ghəə zey ghə â kwɔɔnə Pɔl ghi Silas tii. Ghə̂ a saʼa a təsaʼ ghə n dza nə̀ sawgoʼ tə tsɔʼ nuu kɔʼ ndzə̂ tə Pɔl nsə Silas, ghə vəələ ghə nə təkwɔ̀ɔ.

Kəfwaʼ 16:22 ပူးပေါင်းရင်းမြစ်များ

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Matyo 27:26

Sey Pilato n zəghə fuu shi bə Barabas tə̀ ghə, dza tsu nə̀ ghə vəələ bwɔd tsu Yeso nə ikwɔɔ, daŋŋə fuu nuu ndòw wi nə̀ ghə ndòw baa wi n zat kə fəkaʼ.

Lukas 12:11

Abə ghə ney bənə ghaa n səə ngəd tə saʼa tə təsaʼ tə n ndaw kədzəŋi ni saʼ ghaa, kə ghaa nə fəmənə wû i ghaa zə ni moʼlə zeeli ghə zey ghaa i dzanə fu.

Kəfwaʼ 16:37

Pɔl n fəd dza ndòw tə̀ wi nə̀, “Ghə n ghey bwɔd n sə̂ kə aghə̂ nə̀ ghə ka ghey saʼ, loʼ sey nə̀ ghey mgbaŋ loʼ ghə̂ a Roma. Ghə u ney fii naŋa ndownə ghey n ndaw tsaʼ. Ghə u dzanə nya nə̀ ghə tsɔŋ chi zəghə ghey. Ngaŋ! Ghey shiə way, ndow dza ndow na tə̀ ghə nə̀ ghə bə n wû i ghə zə, ghə bə chi zəghə ghey.”

Kəfwaʼ 17:5

Ghə̂ a Təjuu a loʼ ghey n kee ghoʼo ghə i tii zə. Ghə n tɔŋɔ zuŋŋə bə ngaamə tə aghə̂ tə loʼ tə n jii, teyyə naŋa kɔʼ inaʼ nə ifuu. Ghə n kwɔɔ ndow n ndaw Jason, ghə kəŋə ndownə Pɔl ghi Silas ni ney fu shi bə ghə tə nɔɔ kə aghə̂ key.

Kəfwaʼ 18:12

A n kee bə nghee ghə naŋa kɔʼnə Galio tə aloʼ gɔvənɔ n mboʼo Akaya, ghə̂ a Təjuu ghey fu n Kɔrint n zuŋŋə kɔʼ, kwu kɔʼ Pɔl, ghəŋŋə nə̀ ghə ney ndow wi n ndaw tsə nə̀ ghə saʼ wi.

Kəfwaʼ 5:40

Ghɔɔmə i wi zə n mɔm ghə n fə̀ŋ. Sey, ghə n daŋŋə tɔŋɔ nyi bə ngəd tey, vəələ dzɔb tsu ghə nə təkwɔ̀ɔ, kii naŋa ndow ghə nə̀ kə̂ ghə nə̂ kəm ghɔɔmə kpiʼinə ghəə zə n zəd i Yeso, daŋŋə zəghə tsu ghə nə̀ ghə nuu.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

Hibru 11:36

Ghə n tsayyə a loʼ ghə, wədlə soʼo ghə nə təkwɔ̀ɔ. Ghə n kuum naŋa a loʼ ghə nə tətsaʼ, ney ndow ghə n ndaw tsaʼ.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.