Kəfwaʼ 16:19 - Kaa n Kəzə̀ n fəghə mə

¹⁹ Nghee ghə̂ ghey kɔd kən kə â fwaʼanə n tənə ghə koʼ tsunə nə̀ ghə n guŋu jìi zey ghə a keeli tsənə khəə wə tii, ghə n kwu tsu Pɔl nsə Silas, sìi ndow ghə n səə ghə̂ a nii ghə n zeeli kə inaʼ, nə̀ ghə saʼ ghə.

Kəfwaʼ 16:19 ပူးပေါင်းရင်းမြစ်များ

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:5

Sey, ghə̂ a loʼ ghə n ghə̂ ghey ghə way ghə̂ a Təjuu ghə nsə ghə̂ Təjuu ghə n ndow koʼ ndow ghə̂ a nii ghey fu inaʼ, ghə n bəghəm dzəŋi kɔʼ ni chɔd Pɔl nsə Banabas, ghə təmmə wey ghə nə atay.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:26

À wən loʼ aghə̂ nə̀ ghə n bəghəm ni kpu n zəd i Mûkəbii Yeso Klisto.

Kəfwaʼ 15:40

Pɔl n kee sày kɔʼ Silas. Dzûmə tə Klisto tə loʼ tən n buulə tsu ghə, dza nə̀ ndzuŋ ə Mûkəbii i loʼ ghi ghə nghee ghə ndownə.

Kəfwaʼ 16:16

Ambə n tsuʼ fə loʼ fə ghey ndownə n luʼu kə gɔŋŋə kə, ghey n kpi tsu ghi waa u zən u loʼ wə tə â loʼnə kɔd kə, zay kə bəbə kə loʼ soʼo n kow wi. Zay kə bəbə kən n ghəŋŋə nə̀ tə i dza nyaʼ fə. Tə n fwaʼa tsə ndəmə ukhəə tə ghə mûkəbii a wi ghə n nyaʼ fən tə dzanə.

Kəfwaʼ 16:20

Ambə ghə ndow bə n səə ghə̂ a saʼa a təsaʼ ghə n naʼ i Roma, ghə n dza tə ghə nə̀, “Ghə̂ ghən loʼ ghə̂ a Təjuu, à loʼ soʼo ghə, ghə sòʼò kaabənə chɔd wə fa inaʼ.

Kəfwaʼ 16:25

Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 16:29

Ambə wù wey tə laalənə ndaw tsaʼ zow tsunə sey, tə n dza nə̀ ghə fu bə wi n daa kə, daŋŋə nyəŋ nyi ndow n wû u tsəŋŋə wə, ndow tyi bwu ndow n tənə Pɔl ghi Silas.

Kəfwaʼ 17:6

Ambə ghə kəŋ kìi tsunə ghə, ghə kwu sìi shi bə Jason ghi dzûmə tə Klisto tə loʼ tey, ney ndow ghə n səə ghə̂ ghey ghə saʼanə naʼ zə, buʼlə shiə kɔʼɔ nbɔŋ dza nə̀, “À wən loʼ ghə̂ ghən ghə ghəŋŋənə nə̀ luʼu tədzəm tə i teynə ifuu. Ghə n bə soʼo fa.

Kəfwaʼ 21:30

Naʼ idzəm n nuu təmi kɔʼ nə ifuu, ghə̂ ghey n nyəŋ zuŋŋə i bə, kwu kɔʼ Pɔl n ndaw Kəzə̀, sii nuu shi ndow ghi wi a bii. Ghə n daŋŋə fii kɔʼ baʼ kə dzəŋi kə dzûmə tə Klisto.

Kəfwaʼ 8:3

Sɔl n kee zey ndow ni saʼ maʼa ghə̂ a dzəŋi kə dzûmə tə Klisto. Tə n bwey kaabə ndow ndaw təndaw, sii nu shiə bə dzûmə tə Klisto, agheynum nsə gheyzən ghə, ndow fìi naŋŋə ghə n ndaw tsaʼ.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.

Filipi 1:30

Ghaa təmə kə tsam i mɔʼɔ zey ghaa â koʼonə mə n təmənə. Ghaa zow soʼonu nə̀ à nam loʼ kə tsam i tii zə n nam təmənə nya.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

1 Timoti 6:10

I loʼ sey n təŋkey, ləghə zə ukhəə, i ney bə ghəə a bəbə ghə adzəm. Ghə̂ ghey ghə ngii shiə ndownə n sə̂ zə n ghəə ghə ukhəə n nyəŋ laʼ n bəghəm i fə̀ŋ i ghə. Fə̀ŋ tə nya fəmmə ghə bòʼ chɔd mən ghə keeli kaabənə.

Jems 2:6

Ghaa a fədlə chɔdlɔnə ghə̂ a laa ghə. À loʼ ghə ndee ghə tsìinə ghaa, ney ndow soʼo ghaa n tay i saʼ a? À way ghə̂ a kûm ghə ə?