Kəfwaʼ 15:32 - Kaa n Kəzə̀ n fəghə mə

³² Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 15:32 ပူးပေါင်းရင်းမြစ်များ

Matyo 23:34

Sey, n dza bə tə̀ ghaa nə̀, mə î tûm bə ghaa n tûm tə Kəzə̀ tə, ghə̂ a tɔbə ghə, nsə ghə̂ a dii a kəlaŋ ghə. Ghaa i wey maʼa a loʼ ghə, ghaa baa a loʼ ghə n zat kə fəkaʼ, ghaa i bwɔd a loʼ ghə n Ndaw tə udzəŋi tə ghə̂ a Təjuu, ghaa i dzùm ghə naʼa tə naʼa.

Lukas 11:49

À wən loʼ ghə i tii zə, Zə̀ kə n tɔb u wi wə â dza nə̀, ‘Mə i tûm bə ghə n tûm tə Kəzə̀ nsə ngəd tə, ghə i wey maʼa a loʼ ghə, ghə tsɔɔmə a loʼ ghə.’

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:27

Ghey tûm bə Judas nsə Silas ghi màʼlə kən. À loʼ ghə, ghə i tɔʼɔ tiilə dza bənə n wû i ghə zə, ghəə zən ghey tɔɔnə n màʼlə kən.

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 15:31

Nghee ghə tɔŋɔ kɔʼnə màʼlə kə tii kə, ghə n ngii duʼlə n təŋkey kə â ngii kuu fə̀ŋ tə ghə.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 18:23

Ambə Pɔl tsuŋŋə doʼo tsunə fu n Antyɔk, tə n zey ni ngəə kaabə naʼa tənaʼa, tsəghə tɔɔlə ndow n mboʼo ə Galeshya nsə n Frigya, təmə tawwə ndow fə̀ŋ tə dzûmə tə Klisto tey fu tədzəm.

Kəfwaʼ 2:40

Pita n tsə̀ ghə n ndəmə təghɔɔmə, buʼ ghə n wɔɔ kə nə̀, “Bəghəshi na wû i ghaa zə n mbi i bəbə zən.”

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Roma 12:6

I loʼ nə̀, nghee tə̀ Zə̀ kə khənə fə̀ŋ i dzuŋu zə, tə n fuu kay wù saa n naamə kə wi kə n nəŋ. Abə à loʼ nə̀ Zə̀ kə naamə wɔ n naamə kə ni naʼlə tûm Kəzə̀, wə khə ni teeli naʼlə ndow sey tə̀ Zə̀ kə fuunə wɔ n bəghəm i fə̀ŋ zə.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Kɔrint 14:29

Abə ghaa təmdzəŋi bənə n dzəŋi kə dzûmə tə Klisto, ghə̂ ghey ghə naʼlənə tûm Kəzə̀ khə ni loʼ kə abəghə nkee atəghə ni ghɔɔmə, ghə̂ a loʼ ghey khə ni tɔʼ zəllə ghəə ghey ghə dzanə, ni koʼ nə̀ i kpiilə kənu.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

1 Kɔrint 14:32

I loʼ nə̀, ghə̂ ghey Zay kə Zow kə fuunə ghə n naamə kə ni naʼlə bə ghəə ghey Zə̀ kə dzanə loʼnu ni kwu keeli wû i ghə tə̀ ghə ni ghɔɔmə umɔʼ umɔʼ.

Efesus 3:5

N tsuʼu n sə̂ i sə mə, Zə̀ kə â ka chi dii ghəə a tii ghə tə̀ ghə̂ ghə. Zə̀ kə chi dii bə ghəə a tii ghə nyisa n daʼa kə Zay kə Zow kə tə̀ tûm tə Kəzə̀ tə nsə ngəd tə Yeso tə zow tə.

1 Tesalonika 2:11

Ghaa khənu nə̀ ghey muu ghi ghaa tə̀ bày waa nə̂ muunə ghi waa a wi ghə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

1 Tesalonika 4:1

Ni ndow n sə kə waazə ghə, ghey mâ ghaa dəŋ kɔʼ bə n jìi zey ghaa khə ni muu tə̀ i kpiilənə tə̀ Zə̀ kə. Mə u ndzəm khə soʼo nə̀ a wey loʼ nghee ghaa muunə tii. Ghey nay fa buʼu bə ghaa n wɔ̀ kə n zəd i Mûkəbii Yeso nə ghaa ndow kə n sə kə n mwam u tii wə.

1 Tesalonika 5:14

Ghey buʼu kəwɔɔ a waazə ghə nə̀ ghaa i kpaa tsu ghə̂ ghey ghə ləghə way ni fwaʼ, tsəmmə ndow a ghey ghə tsəŋənə, gaamə ghə̂ ghey ghə ka kam tɔʼ beyyə n bəghəm i fə̀ŋ i ghə, kow fə̀ŋ ghi ghə̂ ghə adzəm.

1 Tesalonika 5:20

I kə ghaa nə kii maʼanə ghɔɔmə zey i loʼ nə̀ a chi dii bə Kəzə̀ tə wù loʼ.

2 Tesalonika 3:12

N zəd i Mûkəbii Yeso Klisto ghey dza bə tə̀ ghə̂ ghən kpaa tənə bə ghə nə̀ ghə zuŋ tsu iwû, ghə i fwaʼa ndow ni keeli fə̂ kə zəə kə.

1 Timoti 2:1

N luʼu kə sə isə kə, n ləghə nə̀ ghaa i gɔŋŋə tə ghə̂ ghə adzəm, nɔɔ ndow tə Zə̀ kə nə tə gaamə ghə, gɔŋŋə n tow u ghə, fuu ndow soʼo kəzɔŋŋə tə Zə̀ kə n ghəə ghey tə ghəŋənə tə ghə̂ ghə adzəm.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.