Kəfwaʼ 15:30 - Kaa n Kəzə̀ n fəghə mə

³⁰ Ghə̂ ghən ghə â sàynə n ney kɔʼ màʼlə kən, nuu tsu ndow n Antyɔk. Ambə ghə ndow nyi ndownə fu, ghə n zuŋŋə bə dzûmə tə Klisto tey, fuu ndow màʼlə key tə ghə.

Kəfwaʼ 15:30 ပူးပေါင်းရင်းမြစ်များ

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:31

Nghee ghə tɔŋɔ kɔʼnə màʼlə kə tii kə, ghə n ngii duʼlə n təŋkey kə â ngii kuu fə̀ŋ tə ghə.

Kəfwaʼ 16:4

Nghee ghə bwey ndownə naʼa tə naʼa, ghə n fuu ndow laŋ wey ngəd tə Yeso nsə ghə̂ a nii ghey n Yerosalem saalənə tə ghə̂ ghey ghə bəghəm nə tə Yeso. Dza ndow soʼo tə ghə nə ghə i naŋŋə laŋ u tii wə.

Kəfwaʼ 21:22

A nya jiə tsu n ngee? Ghə i teeli keelinu nə wə n bə.

Kəfwaʼ 23:33

Ambə ghə̂ ghə ukhinyam ghən bə nyi bənə n Kayserya, ghə n fuu ndow màʼlə key tə̀ gɔvənɔ, fuu tsəghə ndow soʼo Pɔl tə wi.

Kəfwaʼ 6:2

Sey, ngəd tə Yeso tən ighəm n ghii tə təbəghə n tɔŋɔ naŋa bə dzûmə tə Klisto tədzəm dza nə̀, “I ka kpii dzə tə saa ni buu naŋa tsu ni dii ghɔɔmə i Kəzə̀ zə, saa təŋə doʼo ndow n ghəə ghə ufəzəə.